+123

Selfsorg in Kaapse Roete 62

The Country Garden

4.6

Sien 36 resensies

24 gaste
Alle ouderdomme is welkom
Inkloktyd: 14:00 tot 19:00
Uitkloktyd: 10:00
R323, Beecatcher Farm, Ladismith, 6655, Wes-Kaap Sien kaart

Beskrywing

The Country Garden is op die Beecatcher Plaas naby Ladismith in die berge. Gaste word in hierdie vriendelike atmosfeer in 'n pragtige, private omgewing ver van die stadsgewoel verwelkom. Daar is nie selfoonsein of TV's nie, maar wel 'n fantastiese uitsig op Towerkop en direkte toegang tot die Klein Swartberg met sy diverse, inheemse plantegroei.

Verblyf is beskikbaar in 5 alleenstaande eenhede waaronder Blue Gum Kothuis, Sunflower Kothuis, Lavender Kothuis, Aloe Kothuis en Manor House.

Gaste kan in die mineraaldam afkoel, op die plaas voetslaan of die bergskeure verken. Bring ook jou bergfiets om 'n avontuur in die Voorbaatvallei en rondom Van Zyl-dam aan te pak.

The Country Garden is op 'n werkende plaas, so gaste het die geleentheid om die plaasdiere, waaronder varke, skape, hasies, ganse, eende, hoenders en bokke te ontmoet. Die jongspan sal mal wees hieroor!

Die verblyf is ook 'n botanis se droom weens die verskeidenheid blomme en plante op die perseel. Daar is altyd iets wat blom! Entoesiastiese voëlkykers kan meer as 80 spesies hier sien, insluitend die witkruisarend, gevlekte arend, uile en die Europese byevreter of 'beecatcher' waarna die plaas vernoem is.

'n Ontbytmandjie en braaipak is beskikbaar en kan by die huisies afgelewer word. Die koste hiervoor is op aanvraag beskikbaar.

Bespreek