Zevenbosch Guest Villa

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Langverwacht-weg, Kuilsrivier, Kaapstad, 7579, Wes-Kaap
Vanaf R5 500 per nag (plek vir 6)

Beskrywing

Zevenbosch Guest Villa bied 'n onberispelike verblyf tussen die wingerde. As jy op soek is na 'n werklik ontspannende, rustige en tog veilige verblyf met pragtige uitsigte oor Kaapstad en Tafelberg in die verte, sal dit die ideale plek vir jou wees.

Dié dubbelverdieping-villa bied slaapplek aan 6 persone en beskik oor 3 slaapkamers en 3 en suite-badkamers. Elke slaapkamer is ingerig met 'n koninggrootte-bed en die badkamers is toegerus met 'n stort of 'n bad of albei. Die kombuisie op die boonste verdieping bevat eetgerei, breekware, glasware en basiese toebehore soos 'n yskas, 'n mikrogolfoond, 'n koffiemasjien, 'n stoof en 'n ketel.

Die oopplan-leefarea het 'n TV met 'n volledige verskeidenheid DStv-kanale. Die groot kombuis, eet- en sitarea op die onderste verdieping lei na 'n stoep met onderdak met pragtige uitsigte. Gratis WiFi-toegang word ook voorsien. Die huis spog ook met 'n sondek op die boonste vloer, asook 'n plonspoel. Veilige parkeerplek is beskikbaar vir voertuie.

Zevenbosch Guest Villa is naby die Zevenwacht-wynlandgoed en -restaurant wat ontbyt, middagete en aandete bied. Indien gaste 'n bietjie TLC wil geniet, is Bakwena Spa op Zevenwacht Wynlandgoed geleë. Langverwacht en Haasendal Gables Winkelsentrums is naby Zevenbosch.

Zevenbosch is 'n gewilde venue vir troues, funksies en geleenthede. Die geleentheidsbestuurder moet gekontak word om die bykomende koste te bespreek.

Kry ’n Kwotasie