Geverifieerde Resensie
Transgariep
Al die resensies is deur LekkeSlaap-gaste geskryf wat in Transgariep bespreek het
Hierdie plek het 'n gemiddeld van 4.2 uit 5 gekry volgens 1340 resensies.
"Stil dorpie, goed vir geskiedenis-liefhebbers. Word netjies gehou. Kuierplekke gewild onder die inwoners en reisigers. Sluit in by jou reisplan."
"Die area het sy eiesoortige bekoring wat 'n mens voorwaar nie kan miskyk nie."
"Dit was ons eerste besoek aan Bethulie en ons het nie van die boogbrug oor die Oranjerivier geweet nie. Ook nie van die Kampkerkhof waar baie ouers en klein kindertjies in die konsentrasiekampe vir volk en vaderland gesterf het nie. Dit was wonderlik om dit te besoek. Ons moes egter soek vir aanwysings en moes vir iemand in die dorp die aanwysings vra."
"Almal moet ten minste een keer na Gariepdam gaan. Onthou net alles maak vroeg toe op 'n Sondag."
"Gariep is so 'n middelpunt om oor te slaap. Meer info oor die dam oorsprong, bou ens. sou handig gewees het."
"Daar is baie om te doen om die natuurliefhebber besig te hou. As jy hou van wild, voëls, visvang, water, sterre en klein, stil dorpe, is dit 'n ideale omgewing. "
"Bethulie is 'n baie oulike dorpie met baie geskiedenis. Regte boeregemeenskap wat gasvry is. Baie rustig en stil. "
"Ons was bevoorreg om tuis te gaan gedurende die einde van Maart toe dit bitterstil was. Ons sou nie wou vakansie hou gedurende n skoolvakansie want dit sal beslis baie besig wees. Gariepdam is pragtig, netjies en ingestel op kliëntediens. Sal beslis aanbeveel. Dit was ons eerste besoek aan die Gariep. "