1 On Sonnet

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Sonnet-singel 1, Brackenfell, 7560, Wes-Kaap
Alle ouderdomme is welkom
Vanaf ~~R850~~ R765 per nag, vir 2 mense

Beskrywing

1 on Sonnet bied heerlike selfsorgverblyf op die eienaar se perseel in Brackenfell. Dit is in die noordelike voorstede van Kaapstad naby Nitida-wynplaas geleë.

Eenheid Mia is 2 volwassenes geskik en 2 kinders kan teen 'n ekstra koste geakkommodeer word. Dit beskik oor 1 slaapkamer, 1 badkamer, 'n sitarea en 'n kombuis. Daar is 'n dubbelslaapbank vir kinders in die sitarea. Die hoofslaapkamer het 'n dubbelbed en die badkamer het 'n toilet, wasbak en 'n instapstort.

Die kombuis is met 'n gasstoof, mikrogolf, yskas, broodrooster, ketel, lugbraaier en 'n koffiemasjien toegerus. Alle breekware, eetgerei en tee- en koffiemaakgeriewe word voorsien. Eenheid Mia is met 'n omsetter vir beurtkrag toegerus. Die hoofhuis het 'n kragopwekker wat ook rugsteunkrag tydens beurtkrag bied.

Eenheid Elaine bied slaapplek aan 4 volwassenes. Die slaapkamer het 'n koningingrootte-bed en 'n driekwartgrootte-rusbank vir 'n kind. Daar is 2 driekwartbeddens in die leefarea om 2 gaste te akkommodeer. Die badkamer het 'n stort, wasbak en 'n toilet. Die kombuis is met 'n stoof-oond, mikrogolf, yskas, broodrooster, ketel en 'n lugbraaier toegerus. Alle breekware, eetgerei en tee- en koffiemaakgeriewe word voorsien. Die hoofhuis het 'n kragopwekker wat ook rugsteunkrag tydens beurtkrag bied.

Braaigeriewe is ook beskikbaar.

Capegate Winkelsentrum is net 3,2 km vanaf die verblyf en bied 'n rits winkels, kroeë en restaurante. Bossa Vredekloof is net 'n hanetreetjie ver.

Kry ’n Kwotasie