1401 Hibernian Towers

4.2

Sien 1 resensie

6 gaste

3 slaapkamers

4 beds

3 badkamers

6 gaste
Alle ouderdomme is welkom
Inkloktyd: 15:00 tot 17:00
Uitkloktyd: 09:00
Hibernian Towers, 9 Kruger Street, Strand, 7140, Wes-Kaap Sien kaart

Beskrywing

1401 Hibernian Towers is 'n pragtige selfsorgwoonstel in die hartjie van die Strand. Met 'n asemrowende see-uitsig en ligging na aan plaaslike restaurante en winkelsentrums, verseker hierdie woonstel 'n onvergeetlike ervaring.

Die woonstel met lugversorging bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die tweede slaapkamer het 'n koningingrootte-bed en die derde slaapkamer het 2 enkelbeddens. Die gaste in hierdie slaapkamers deel 'n badkamer met 'n bad, stort, toilet en 'n wasbak. Gehaltelinne en badhanddoeke word voorsien, maar gaste moet hul eie swemhanddoeke saambring.

Die oopplan-kombuis is met 'n stoof, oond, mikrogolfoond, yskas-vrieskas, skottelgoedwasser tee- en koffiemaakgeriewe, eetgerei en breekware toegerus. Die kombuis het ook 'n toonbank met 4 stoele. Die sitarea het 'n gemaklike sitkamerstel, 'n koffietafel en 'n TV. Die eetarea het 'n etenstafel vir 6 gaste. Gratis WiFi word voorsien.

Gaste kan buite op die stoep kuier terwyl hulle die asemrowende uitsig oor die strand bewonder. Die Hibernian Towers-kompleks bied 'n verskeidenheid geriewe op die perseel, insluitend 'n verhitte swembad, gimnasium, stoomkamer, dagspa en 'n restaurant. Veilige parkeerplek is ook beskikbaar.

Bespreek