22 Capri

Voeg by Gunstelinge

 

Langtermynverblyf-aanbod 20 % af

Kry 20% af vir verblyf wat 7 nagte of langer is. Hierdie aanbod is altyd geldig.

Beskrywing

22 Capri is ’n selfsorgwoonstel op die tweede verdieping van ’n veilige en bekende vakansieblok reg in die hartjie van Amanzimtoti.

Dié blok is op die strand en bied pragtige uitsigte oor die see. Die strand, restaurante, ’n speletjieskamer, rolbal, winkels en ’n wasgoeddiens is net 2 minute se stap vanaf die woonstel. Dit maak dié verblyf ideaal vir vakansiegangers en sakereisigers. Daar is ’n verskeidenheid trekpleisters net ’n kort ent se ry vanaf Amanzimtoti.

Gedurende die wintermaande mag gaste dalk net die Suidkus Sardienloop of die walvisse en dolfyne wat speel vanaf die woonstel kan sien.

22 Capri bied slaapplek aan 6 gaste en het 1 slaapkamer, ’n badkamer en ’n kombuis en 'n oopplan-eetarea en -leefarea. Die slaapkamer het 2 dubbelbeddens en daar is 'n dubbelbed in die leefarea. Die badkamer het ’n stort, toilet, wasbak en 'n wasmasjien.

Die kombuis is met ’n stoof, oond, yskas en ’n mikrogolfoond toegerus. Die leefarea het ’n dubbelbed, banke en ’n platskerm-TV met beperkte kanale. Gaste kan hul eie DStv-dekodeerder saambring as hul die Premium-pakket wil hê gedurende hul verblyf. Die eenheid het lugversorging en dakwaaiers, en toegang tot die eenheid is via trappe of ’n hysbak.

’n Gemeenskaplike braai-area is op die dek beskikbaar op die eerste verdieping van die kompleks. Daar is ook ’n stort op die grondvloer om die see se water af te was wanneer gaste van die strand af kom. Veilige parkeerplek is agter ’n outomatiese hek beskikbaar en die kompleks, asook die parkeer-area het geslotekringtelevisie wat gaste gerus kan stel.

Gaste word in persoon verwelkom met aankoms en gegroet met vertrek.

Slaapplek

'n Bespreking by 22 Capri sluit in:

Slaapkamer 1 - Huisves 4 persone
2 x Dubbelbed

Area 1 - Huisves 2 persone
1 x Dubbelbed

Kenmerke

  •  Afrikaans
  •  Braaiplek
  •  Veilige Parkering

Aktiwiteite Naby

  •  Perdry
  •  Visvang
  •  Voëlkyk
  •  Fietsry
  •  Swem

Badkamer

  •  Stort

Betaalopsies op Perseel

  •  Kontant
  •  Elektroniese Fondsoorplasing

Elektriese Toebehore

  •  Yskas
  •  Mikrogolfoond
  •  Oond
  •  Stoof

Geriewe

  •  Braaiplek
  •  Kombuisgeriewe
  •  Geen Rook Binnenshuis
  •  Malaria-vrye streek
  •  Selfsorg

Hier praat ons

  •  Afrikaans
  •  Engels

Kamergeriewe

  •  Waaier

Konferensiegeriewe

  •  Lugversorging

Parkeerplek

  •  Veilige Parkering
  •  Agter Elektriese Hek
  •  Parkering Van Die Straat Af

Vermaak

  •  TV

Kaart Meer oor die omgewing 

Gaste wat na 22 Capri gekyk het, het ook belangstelling getoon in die volgende lekke plekke:

Vanaf R770 R616 per nag (plek vir 6)

Kry 20% af vir verblyf wat 7 nagte of langer is. Hierdie aanbod is altyd geldig.

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za