Luxury Holiday Home

Selfsorg

Kapasiteit: 10 mense
Inkloktyd: 15:00 tot 21:00
Uitkloktyd: 11:00
Adres: 11de laan 3, Summerstrand, Gqeberha (Port Elizabeth), 6001, Oos-Kaap
Alle ouderdomme is welkom
Vanaf R6 000 per nag (plek vir 10)

Beskrywing

Luxury Holiday Home is 'n pragtige villa wat in die woonbuurt Summerstrand, Gqerberha (Port Elizabeth) geleë is. Dit is die ideale opsie vir 'n onvergeetlike vakansie saam met die gesin, aangesien dit net oorkant die pad van een van Gqeberha se hoofstrande is.

Dié dubbelverdiepingvilla bied slaapplek aan 'n maksimum van 10 gaste en beskik oor 5 slaapkamers en 5 badkamers. Die hoofslaapkamer het 'n koninggrootte-bed, lessenaar, sitarea en 'n TV. Die en suite-badkamer het 'n bad, stort, wasbak en 'n toilet. Die ander twee slaapkamers het elk 'n koninggrootte-bed en 'n en suite-badkamer. Die vierde slaapkamer het 'n koningingrootte-bed en 'n en suite-badkamer, terwyl die vyfde slaapkamer 'n dubbelbed het. Gaste gebruik 'n aparte badkamer met 'n bad en 'n stort.

Die helder en ruim leefarea het 'n stylvolle kombuis wat met 'n gasstoof, elektriese oond, mikrogolf, yskas-vrieskas, eetgerei en breekware toegerus is. Daar is 'n wasmasjien en tuimeldroër in die aparte waskamer. Dié eiendom spog ook met verskeie sitareas met 'n eetarea wat sentraal geleë is en oorgenoeg sitplek vir gaste om maaltye saam te geniet. Daar is ook 'n TV in die sitareas en gratis WiFi is orals in die verblyf.

Bykomend het die huis 'n binnebraai, pooltafel en 'n uitgestrekte houtdek met 'n sprankelende swembad.

Kry ’n Kwotasie