35 Colwyn

Selfsorg

Kapasiteit: 9 mense
Inkloktyd: 14:00 tot 19:00
Uitkloktyd: 10:00
Adres: Colwyn-rylaan 35, Sheffield-strand, Ballito, 4420, KwaZulu-Natal
Alle ouderdomme is welkom
Vanaf R5 000 per nag (plek vir 9)

Beskrywing

35 Colwyn is 'n lieflike dubbelverdiepinghuis met moderne afwerkings. Dit is ideaal vir 'n gesin of groep vriende.

Die pragtige eenheid het slaapplek vir maksimum 9 gaste en beskik oor 3 slaapkamers en 3 moderne badkamers. Daar is ook 'n soldereenheid wat apart is van die hoofgebou. Die hoofslaapkamer het 'n koninggrootte-bed en 'n moderne en suite-badkamer met 'n stort, wasbak en toilet. Die tweede slaapkamer het 'n dubbelbed en lugversorging en die derde slaapkamer het 2 enkelbeddens. Die tweede badkamer word gedeel deur laasgenoemde twee kamers en het 'n bad, stort, wasbak en toilet. Die boonste verdieping spog ook met 'n gemaklike sitarea tussen die slaapkamers. Dit het 'n TV met volledige DStv en lei na 'n stoep met pragtige uitsigte.

Die hoofleefareas op die grondverdieping het 'n oopplan-ontwerp en beskik oor 'n kombuis, eetarea en sitarea. Die sitarea het gemaklike sitplek en 'n TV met volledige DStv. WiFi is regdeur die huis beskikbaar. Die kombuis is met 'n gasstoof, oond, yskas-vrieskas, basiese breekware, eetgerei, tee- en koffiemaakgeriewe, 'n etenstafel en 'n ontbyteiland met stoeltjies toegerus. Daar is ook 'n skottelgoedwasser en wasmasjien. Die aangrensende leefarea lei na 'n stoep met 'n groot tuin en see-uitsigte. Daar is ook 'n gastebadkamer met 'n stort, wasbak en toilet.

Die solder is bo die dubbelmotorhuis en het 'n koninggrootte-bed en 'n bed wat geskik is vir 'n kind. Hierdie kamer het 'n kombuisie wat met 'n mikrogolf, tweeplaatstoof, yskas-vrieskas, eetgerei, breekware en tee- en koffiemaakgeriewe toegerus is. Die eenheid het 'n TV met volledige DStv en 'n manjifieke uitsig vanaf die houtdek.

Die eiendom bied direkte toegang tot die strand met 'n 40 m-lange maklike paadjie. Veilige parkeerplek is beskikbaar in die dubbelmotorhuis. Daar is ook ekstra parkeerplek op die gras.

Kry ’n Kwotasie