+88

A Boat House

11 resensies

B&B

Kapasiteit: 12 persone
Inkloktyd: 14:00 tot 21:00
Uitkloktyd: 11:00
Adres: Dolfynweg 25, Simonskloof, Simonstad, 7975, Wes-Kaap
Geen kinders onder 8
Vanaf R1 450 per nag, vir 2 mense

Beskrywing

A Boat House is 4-ster-verblyf met skeepstema direk bo Simonstad geleë en spog met die mooiste uitsig oor die vlootbasis en seiljagklub. A Boat House is ook perfek geleë vir dolfyn- en walviskyk. Die ligging bied ook skilderagtige uitsigte oor die see en berge. Dit is volledig toegerus, elegant gemeubileer en bied unieke suites met 'n badkamer, kombuis en privaat ingang.

A Boat House het 6 pragtige kamers met 'n seevaart-tema met sagte blou- en wit skakerings. Al die kamers spog met daardie pragtige uitsigte vanaf hulle privaat balkonne, gratis WiFi, platskerm-TV, mikrogolfoond en koffie- en teemaakgeriewe. 'n Volle Engelse- en Kontinentale ontbyt word elke oggend bedien.

A Boat House word deur die eienaars, Therese en Ludwig, bestuur wat alles in hulle vermoë sal doen om aan gaste 'n wonderlike verblyf-ervaring te bied. Ontdek die dorpie deur rustig deur die strate te wandel, besoek Boulders-strand se pikkewyne, hokduik saam met haaie, ontspan by die seiljagklub of langs die binnenshuise sonverhitte swembad.

Kaapstad is 'n wêreldbekende toerismebestemming en die omliggende besienswaardighede sluit in: bootritte, walviskyk, Kaappunt Volstruisplaas, Constantia se Wynroete, Kirstenbosch Tuine en Stellenbosch se Wynroete.

Kry ’n Kwotasie