Ambiance Apartment

Voeg by Gunstelinge

 

Langtermynverblyf-aanbod 45 % af

Kry 45% af vir verblyf wat 30 nagte of langer is. Hierdie aanbod is altyd geldig.

Beskrywing

Ambiance Apartment front noord en is ideaal geleë in Oranjezicht, 'n sentrale, stil, veilige en boomryke woonbuurt tussen Tafelberg se voorheuwels en Kaapstad se sentrale sakegebied.

Die woonstel is volledig toegerus, gerieflik en silwerskoon. Daar is slaapplek vir 4 gaste in 2 slaapkamers. Die ruim hoofslaapkamer het 'n dubbelbed en die tweede, kleiner slaapkamer het 2 enkelbeddens. Die badkamer is toegerus met 'n bad en 'n handstort. Die ruim sitkamer en oopplan-kombuis word geskei deur 'n ontbyttoonbank. Die kombuis het gesonke stoofplate met 'n uitsuigwaaier en 'n mikrogolf, maar geen oond indien jy van plan was om te bak of oondrooster nie. Ambience het 'n oopplan-balkon met 4 stoele van smeedyster en 'n eetkamertafel met 'n glasblad. Dit is ideaal vir skemerkelkies of buitelug-etes, terwyl jy die beeldskone berg-uitsig of dit rye Victoriaanse huise in Prinsstraat geniet. Die sitkamer is toegerus met 'n TV (en 4 TV-kanale), DVD-speler en 'n klankstelseltjie / CD-speler.

Al die nodige beddegoed en handdoeke word voorsien (onthou asseblief om jou eie strandhanddoeke en vadoeke te bring). 'n Skoonmaakdiens is beskikbaar op versoek en teen 'n addisionele koste. Veilige parkeerplek (nr. 105) is ook beskikbaar. Twee motors kan agtermekaar inpas.

Ambiance is ook maklik bereikbaar van die lughawe af via die N1 en die N2-hoofweë. Seepunt, Clifton en Kampsbaai is net 'n kort entjie se ry van die woonstel af en al wat tussen jou en die V&A Waterfront, Kirstenbosch, Canal Walk en Houtbaai staan, is 10 minute agter die stuur. Verder is die woonstel stapafstand vanaf die stadskern, Gardens Winkelsentrum, hope museums, planetarium, kunsgalerye, 'n filmteater, teaters en baie ander besienswaardighede en restaurante. Trouens, byna alles wat die stad bied is stapafstand van Ambiance af.

Die woonstel is op die busroete geleë, oorkant De Waal Park met sy gratis musiekkonserte op Sondae. Ons is net 'n paar blokke van die Mount Nelson Hotel en die Cape Town Hop-On Hop-Off-bus af. Gaste het al gesê dat hulle by ons net so tuis voel soos by hul eie huis. Ons is gerieflik, stil en knus. As jy graag in 'n 5-ster-hotel wil oorbly, is Ambiance Apartment nie vir jou nie. Ons kan ook die woonstel beskikbaar stel vir langtermyn-verblyf, ten volle gemeubileer met 'n bepaalde maandelikse bedrag. Minimum-verblyf is 3 nagte. Gaste moet ons asb. so gou as moontlik laat weet hoe laat hulle gaan arriveer. Ons bly in die Paarl en dit is 'n uur en 'n half se ry in verkeer. Ons wil jou graag persoonlik verwelkom by die woonstel.

Slaapplek

'n Bespreking by Ambiance Apartment sluit in:

Slaapkamer 1 - Huisves 2 persone
1 x Dubbelbed

Slaapkamer 2 - Huisves 2 persone
2 x Enkelbed / Driekwartbed

Area 1 - Huisves 1 kind
1 x Kindermatras vir 1

Kenmerke

  •  Afrikaans
  •  Veilige Parkering

Aktiwiteite Naby

  •  Perdry
  •  Visvang
  •  Voëlkyk
  •  Wynproe
  •  Fietsry
  •  Begeleide Wandelpaaie
  •  Bergfietsroetes
  •  Swem
  •  Tennis

Betaalopsies op Perseel

  •  Kontant

Geriewe

  •  Lughawe-pendeldiens Op Versoek
  •  Kombuisgeriewe
  •  Geen Rook Binnenshuis
  •  Malaria-vrye streek
  •  Selfsorg
  •  Skoonmaakdiens Op Versoek

Hier praat ons

  •  Afrikaans
  •  Engels
  •  Nederlands
  •  Frans

Parkeerplek

  •  Veilige Parkering
  •  Agter Elektriese Hek
  •  Parkering Van Die Straat Af

Kaart Meer oor die omgewing 

Gaste wat na Ambiance Apartment gekyk het, het ook belangstelling getoon in die volgende lekke plekke:

Vanaf R1 600 R880 per nag (vir 4 mense)

Kry 45% af vir verblyf wat 30 nagte of langer is. Hierdie aanbod is altyd geldig.

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]