Avós Home

Selfsorg

Kapasiteit: 6 mense
Inkloktyd: 15:00 tot 18:00
Uitkloktyd: 10:00
Adres: St. Catherines-weg 26, Plumstead, Kaapstad, 7800, Wes-Kaap
Alle ouderdomme is welkom
Vanaf R3 500 per nag (plek vir 6)

Beskrywing

Avós Home is 'n lieflike selfsorghuis in Kaapstad. Dit is in 'n oulike woonbuurt in die suidelike voorstede, Timour Hall, en is ideaal vir gesinne en vriende.

Hierdie drieslaapkamerhuis bied slaapplek aan 6 gaste. Die hoofslaapkamer en die tweede slaapkamer het elk 'n koningingrootte-bed en daar is 'n dubbelbed in die derde slaapkamer. Gaste in hierdie slaapkamers deel 2 badkamers waarvan een 'n bad, stort, wasbak en 'n toilet en die ander 'n stort-oor-bad, wasbak en 'n toilet het. Linne en handdoeke word voorsien.

Die ruim kombuis is in die hartjie van die huis en is met 'n yskas-vrieskas, stoof, oond, mikrogolfoond, basiese eetgerei, breekware en tee- en koffiemaakgeriewe toegerus. Die oopplan-sitarea het 'n etenstafel, gemaklike rusbanke, 'n TV en 'n kaggel.

Buite is daar 'n swembad en gaste kan die stoep se seil op warm dae laat sak. Gaste kan die braai langs die swembad en die kruie in die tuin gebruik. Die swembad is nie bedek nie en kinders moet dus nie sonder toesig gelos word nie. Daar is veilige parkeerplek vir 2 voertuie op die perseel.

Die verblyf is net 'n hanetreetjie weg van 'n pragtige natuurpark en die rustige Doordrift Greenbelt.

Kry ’n Kwotasie