B & S se Plekkie

Selfsorg

Gratis kansellasie tot 1 week voor jou verblyf!
Kapasiteit: 13 mense
Inkloktyd: 14:00 tot 19:00
Uitkloktyd: 10:00
Adres: Moll-straat 6, Parys, 9585, Vrystaat
Alle ouderdomme is welkom
Vanaf R675 per nag (plek vir 2)

Beskrywing

B & S se Plekkie is in Parys en bied gerieflike verblyf vir 'n gesin of 'n groep vriende. Die verblyf is naby verskeie winkels, Parys se gholfbaan, Suspension Bridge 1919 en verskeie restaurante.

Verblyf is beskikbaar in 2 eenhede, die hoofhuis en 'n aparte kothuis. Die hoofhuis het slaapplek vir 11 gaste en beskik oor 4 slaapkamers, 2 badkamers, 'n kombuis en 'n leefarea. Die slaapkamers het elk 'n koningingrootte-bed. Een van die kamers het 'n bykomende enkelbed en die ander kamer het 'n slaapbank. Daar is bad- en stortgeriewe in die huis.

Die hoofhuis se kombuis is met 'n gasstoof, 2 yskaste, 'n mikrogolf, elektriese ketel, lugbraaier en 'n wasmasjien toegerus. Die leefarea het gemaklike rusbanke voor die TV en gaste kan maaltye rondom die etenstafel met 8 stoele geniet. Die huis het ook 'n ingeboude braai.

Die oopplan-kothuis het slaapplek vir 2 gaste op 'n dubbelbed en daar is 'n kombuisie en 'n en suite-badkamer met 'n stort. Linne en badhanddoeke word voorsien, maar gaste moet hul eie swemhanddoeke saambring.

Gaste kan van die gedeelde braaigeriewe op die perseel, asook die swembad gebruik maak. Daar is ook WiFi en veilige parkeerplek.

Kry ’n Kwotasie