Bergplaas Nature Reserve

Selfsorg

Kapasiteit: 15 persone
Inkloktyd: 14:00 tot 16:00
Uitkloktyd: 10:00
Adres: Bergplaas Natuurreservaat, Sneeuberge, Graaff-Reinet, 6280, Oos-Kaap
Alle ouderdomme is welkom
Vanaf R1 200 per nag, vir 2 mense

Beskrywing

Bergplaas Natuurreservaat is 'n privaat natuurreservaat van 7000 hektaar wat in die Nieu-Bethesda en Graaff-Reinet-streek van die Groot-Karoo geleë is. Dié omgewing is bekend vir die ruwe prag en oop ruimtes en Bergplaas is ook ten volle onafhanklik van die tradisionele krag- en waternetwerk. Dis die ideale wegbreek van die stadslewe en 'n plek om in die natuur te ontspan.

Verblyf is beskikbaar in 'n selfsorg-gastehuis met 6 kamers en slaapplek vir 12 gaste altesaam. Dit word net aan 1 groep op 'n slag verhuur. Daar is ook 'n knus eenslaapkamer-selfsorgkothuis wat nog slaapplek bied vir 3 mense. Die gastehuis en kothuis het elkeen hul eie kombuisgeriewe, eet- en leefareas.

Bergplaas word bewoon deur ongeveer 900 groot soogdiere insluitend elande, koedoes, rooihartebeeste, vlaktesebras, springbokke en swartwildebeeste. Ongeveer 25 kleiner soogdiere is ook al in die omgewing gewaar en dit sluit klein karnivore soos die rooikatte, rooijakkals, kleinkolmuskeljaatkat, bakoorjakkals, groototter en die kleingrysmuishond en watermuishond in. Daar is ook ongeveer 133 voëlspesies wat dié streek hul tuiste noem en dit sluit die sekretarisvoël, bloukraansvoël, witkruisvleivalk en edelvalk in.

Kry ’n Kwotasie