Blackbrook Farm

Voeg by Gunstelinge

 

Beskrywing

Blackbrook Farm bied gerieflike selfsorgverblyf op 'n plaas van 74 hektaar, net 8 km vanaf Underberg op die Boesmansnekpad. Gaste klop by ons aan vir 'n rustige wegbreek in die platteland wat na genoeg aan al die besienswaardighede in die Suidelike Drakensberg is.

Ons het 2 gerieflike, kothuise met klipmure en grasdakke op 'n privaat gedeelte van die plaas. Elkeen van hierdie selfsorgkothuise bestaan uit 'n toegeruste kombuis, oopplan-sitarea en -eetarea, 'n stoep, braaigeriewe (bring jou eie vuurmaakhout). Elke kothuis het 'n omheinde tuin.

Daar is muurverwarmers, ekstra komberse en warmwatersakke vir koue wintersaande. Daar is ook 'n draagbare gasverwarmer, let wel dat die gas ekstra kos gaste kan hul eie 9 kg gasbottel saambring). Daar is nie kaggels in die kothuise nie.

Die kombuise het elkeen 'n vierplaatgasstoof met 'n oond, mikrogolfoond, ketel, broodrooster, yskas, eetgerei, breekware en potte en panne. Linne, groot handdoeke, skoonmaakmiddels en toiletpapier word voorsien.

Albei kothuise het platskerm-TV en DStv Premium.

Die plaasdam bars uit sy nate van al die forel. Gaste is welkom om te vang en vry te laat. Ander doendinge: kajakvaarte, stap, bergfietsry, uitstappies na die dorpies vir inkopies of etes.

Die laaste 4 km is 'n grondpad en daar is 'n kort plaaspaadjie tot by die kothuise. Die pad is 'n uitdaging vir kleiner/laer voertuie en dit word nie aangeraai nie.

Kaart Meer oor die omgewing 

Gaste wat na Blackbrook Farm gekyk het, het ook belangstelling getoon in die volgende lekke plekke:

Vanaf R660 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za