Bluewaters Hotel

Hotel

Kapasiteit: 10 mense
Inkloktyd: 14:00 tot 22:00
Uitkloktyd: 10:00
Adres: Arthur-straat 9, Gonubie, Oos-Londen, 5256, Oos-Kaap
Alle ouderdomme is welkom
Vanaf R1 099 per nag, vir 2 mense

Beskrywing

Bluewaters Hotel is in Gonubie, ‘n kort afstand vanaf Suid-Afrika se mooiste strande. Die area het ‘n riviermonding en is bekend vir sy goue strande en houtvoetpaadjies, pragtige uitsig oor die baai vanaf die en rotskoppies, en die koraalrif wat tydens laaggety loopafstand is. Dit is die perfekte wegbreek vir diegene wat op soek is na rus en ontspanning, maar wat steeds naby die stad moet wees vir besigheid. Die hotel is slegs 15 km van Oos-Londen af en ‘n nuwe pad bied vinnige toegang tot die stad.

Die hotel bied verblyf in skoon, mooi versierde standaardkamers. Dié kamers het elk ‘n koninggrootte-bed wat in 2 enkelbeddens omskep kan word, ‘n lessenaar, ‘n TV met beperkte DStv-kanale en koffie- en teemaakgeriewe.

Die kamers word daagliks skoongemaak en het toegang tot blitsvinnige WiFi.

Slipway Pub and Grill, ‘n gewilde ontmoetingspunt vir beide plaaslike inwoners en gaste, is op die perseel geleë. Dié restaurant bied goeie kos, drankies en vriendelike diens. Gaste kan ‘n skemerkelkie hier geniet, sport op die grootskerm-TV kyk of lekker kroegkos geniet.

Die hotel beskik oor 2 konferensiekamers wat sitplek aan 30 of 40 gaste bied. ‘n Kid’s Zone-speelarea is ook beskikbaar en die hotel bied vermaak aan kinders.

Kry ’n Kwotasie