Bo-Kapie

Voeg by Gunstelinge

 

Beskrywing

Bo-Kapie is 'n romantiese klein wegbreekplekkie op die N2 tussen Kaapstad en George op die skilderagtige Tuinroete in die dorpie Swellendam. Die huis is die vergestalting van ouwêreldse bekoring en dis naby verskeie winkels, restaurante, doendinge en besienswaardighede. Die verblyf beskik oor 2 eenhede met privaat ingange en badkamers.

Daar is 2 slaapkamers met slaapplek vir 5 gaste in die kothuis. Die hoofslaapkamer het 'n dubbelbed en 'n en suite-badkamer met 'n Victoriaanse bad. Die tweede kamer het 3 enkelbeddens. Daar is 2 slaapbanke in die leefarea wat slaapplek bied vir nog 2 gaste. Die gaste deel 'n badkamer met die gaste in die tweede kamer. Bo-Kapie bied dus slaapplek vir 7 gaste en is ten volle toegerus vir selfsorg, insluitend beddegoed en handdoeke. Die kombuis is met 'n stoof, oond, yskas, mikrogolfoond, tee- en koffiemaakgeriewe, eetgerei en breekware toegerus. Daar is 'n oop vuurherd in die leefarea met oorgenoeg vuurmaakhout.

Bo-Kapie Anneks het 'n dubbelbed en 'n en suite-badkamer met 'n stort, toilet en 'n wasbak. Daar is ook tee- en koffiemaakgeriewe en gratis WiFi.

Bo-Kapie is sentraal geleë naby museums, gholfbane, staproetes en die Marloth- en Bontebok Natuurreservate. Met so baie om te sien en te doen in en om Swellendam, sal gaste lekker lank in Bo-Kapie kan vertoef.

Bo-Kapie is in 1833 gebou en dis een van die oudste huise in Swellendam. Dis een van die laaste oorblywende huise wat dateer uit die era van slawerny in Swellendam wat in 1834 afgeskaf is. Hierdie klein Kaaps-Georgiese platdak-kothuis met sy pragtige muurtjies is die tipiese verblyf van Moslem-ambagsmanne van daardie tydperk. Dit lyk soos 'n huisie wat tipies in die Bo-Kaap sal voorkom. Die voordeur met vertikale panele en bolig het die staldeur van die Kaap-Hollandse styl vervang.

Kenmerke

  •  Afrikaans
  •  Veilige Parkering

Geriewe

  •  Kombuisgeriewe
  •  Selfsorg

Hier praat ons

  •  Afrikaans
  •  Engels

Parkeerplek

  •  Veilige Parkering

Kaart Meer oor die omgewing 

Gaste wat na Bo-Kapie gekyk het, het ook belangstelling getoon in die volgende lekke plekke:

Vanaf R650 per nag (plek vir 2)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]