Boesmanskloof Onverwacht Flora

Voeg by Gunstelinge

 

Beskrywing

Onverwacht Flora se verblyf is ongeveer halfpad tussen die dorpies McGregor en Greyton in die Wes-Kaap. Dis 2 ure se ry vanaf Kaapstad af via Worcester, Robertson en deur McGregor tot by 'n pad wat dikwels "Die Pad na Nêrens" genoem word. Die liggies van die nabygeleë dorpies op die R62, die wêreld se langste wynroete, en die Overberg, bied dag en nag skilderagtige uitsigte.

Die verblyf bestaan uit verskeie losstaande klipkothuise. Die meeste kothuis het slaapplek vir 6 gaste. Blushingbridge Kothuis het egter net slaapplek vir 2 gaste en die Waboom Kothuis het slaapplek vir 10 gaste. Alle kothuise is toegerus met elektrisiteit.

Dis die ideale wegbreek vir natuurliefhebbers, naweek-wegbreke, stappers of bergfietsryers. Hier kan jy kan ontspan, die voëltjies hoor sing en die rivier hoor kabbel.
Onverwacht Flora kyk uit oor die Gobosrivier met talle rotspoele om in af te koel of te baljaar. Gaan stap 'n entjie langs die rivier of pak 'n voetslaanroete aan. Verder kan jy jou verlustig aan die groot verskeidenheid en unieke flora op die eiendom. Miskien is jy so gelukkig om 'n bokkie of twee raak te sien.

Hierdie natuurparadys lê in die hartjie van die Riviersonderendberge en word ook omring deur die pieke van die Langeberge en die Galgeberg. Onverwacht Flora word verbind aan Die Galg- en die Boesmanskloof-staproete wat ook bekend staan as die McGregor-Greyton-staproete.

Kenmerke

  •  Afrikaans
  •  Swembad
  •  Braaiplek

Aktiwiteite Naby

  •  Wynproe
  •  Fietsry
  •  Bergfietsroetes
  •  Swem

Aktiwiteite op perseel

  •  Voëlkyk
  •  Fietsry
  •  Bergfietsroetes
  •  Swem

Betaalopsies op Perseel

  •  Kontant

Geriewe

  •  Swembad
  •  Braaiplek
  •  Geen Rook Binnenshuis
  •  Malaria-vrye streek
  •  Selfsorg

Hier praat ons

  •  Afrikaans
  •  Engels

Kaart Meer oor die omgewing 

Gaste wat na Boesmanskloof Onverwacht Flora gekyk het, het ook belangstelling getoon in die volgende lekke plekke:

Vanaf R500 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]