Buffelshoek Tented Camp

Voeg by Gunstelinge

 

Beskrywing

Buffelshoek Tented Camp is in die suidoostelike deel van die Manyeleti Wildreservaat geleë, naby die Krugerwildtuin en die Sabi Sand Privaat Natuurreservaat.

Buffelshoek bied 'n regte egte bos-ervaring, maar gaste se gerief word ook hoog op die prys gestel. Die perfekte balans tussen luukse gerief en 'n Bosveld-atmosfeer word gehandhaaf. Gaste geniet ook privaatheid in die 5 bekoorlike tente met slaapplek vir 2, grasdakkies en tentdoeke voor. Al die eenhede het en suite-opelug-bakdamers op houtdekke. 'n Maksimum van 10 gaste per kamp word toegelaat en dit verseker dat elkeen van ons gaste persoonlike aandag geniet.

Die kamp is nie omhein nie, daar is nie elektrisiteit nie en maaltye word dikwels op die vuur voorberei. Die eetarea word met lanterns belig en gaste kan hul maaltye daar of onder die sterre in die boma geniet. Sit saans om die kampvuur en luister na die strelende geluide van die Bosveld. Dis wanneer Buffelshoek se unieke atmosfeer tot sy reg kom.

Ontspan in die knus sitkamer en gesels met ander reisigers. Verder kan jy ook op die wildkyk-dek ontspan en kyk hoe die wild en magdom voëlspesies by die watergat en oor die vlakte verbygaan. Elke nou en dan is daar selfs 'n olifant wat by die kamp kom aanklop, so jy hoef nie ver te gaan om een van die Groot 5 te sien nie.

Wildritte soggens en saans word by jou verblyf ingesluit. Die wildritte word deur 'n gids in 'n oop safari-voertuig aangebied, so 'n interessante uitstappie word gewaarborg. Tydens die oggend-wildritte kan jy kyk hoe die Bosveld ontwaak en saans kan jy 'n paar van die sku nagdiere en roofdiere met die soeklig te sien kry. Soggens is daar begeleide safari-wandelinge wat jou die geleentheid bied om die Groot 5, ander soogdiere, voëls en plantegroei van naderby te sien. Met ons uitstekende gidse kan ons amper waarborg dat jy die Groot 5 oor 'n periode van 3 dae sal aanskou.

Kenmerke

  •  Braaiplek

Aktiwiteite Naby

  •  Groot 5
  •  Voëlkyk
  •  Wildritte
  •  Wildkyk
  •  Begeleide Wandelpaaie

Aktiwiteite op perseel

  •  Groot 5
  •  Voëlkyk
  •  Wildritte
  •  Wildkyk
  •  Begeleide Wandelpaaie

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Lughawe-pendeldiens Op Versoek
  •  Begeleide Wildritte Ingesluit
  •  Braaiplek
  •  Gastesitkamer
  •  Wasgoeddiens
  •  Daaglikse Skoonmaakdiens
  •  Skoonmaakdiens Op Versoek

Hier praat ons

  •  Engels

Maaltye Aangebied

  •  Alle Etes Ingesluit

Parkeerplek

  •  Parkering Van Die Straat Af

Kaart Meer oor die omgewing 

Gaste wat na Buffelshoek Tented Camp gekyk het, het ook belangstelling getoon in die volgende lekke plekke:

Vanaf R5 900 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false