Capeblue Manor House

Voeg by Gunstelinge

 

Beskrywing

Capeblue Manor House is 'n 4-ster-gastehuis in Muizenberg, 'n voorstad van Kaapstad, Suid-Afrika.

Manor House is weggesteek in 'n stil doodloopstraat aan die voet van die indrukwekkende Steenberg. Dis in 1927 gebou en is onlangs tot sy oorspronklike elegansie gerestoureer. Die nuwe binnenshuise versiering van al 8 die dubbelkamers is stylvol gedoen, met luuksheid en gemak in gedagte en het elkeen hulle eie en suite-badkamer met 'n bad en stort. Al die kamers het koffie- en teemaakgeriewe, TV's, kluise, verhitte handdoekrelings, verwarmers, radiowekkers en haardroërs. Daar is 'n groot sitkamer met 'n biblioteekruimte waar jy TV kan kyk of een van die verskeidenheid boeke kan lees. Ontspan op die terras met 'n uitsig oor die berg met 'n koppie koffie of tee in jou hand. Gaste het ook toegang tot die swembad in die tuin, veilige parkering en WiFi.

Capeblue Manor House is net 20 minute van Kaapstad se middestad af en dus die ideale basis vanwaar die reisiger die Moederstad en die V&A Waterfront kan verken of met die kabelkar tot bo-op die majestueuse Tafelberg kan ry. Die wynland is net 'n klipgooi ver en gasheer en gasvrou Allen en Michelle is altyd byderhand met advies en aanbevelings vir die onderskeidende besoeker.

Muizenberg-strand is 1,8 km van die Manor af en bied die besoeker baie om te doen. Van die ervarings wat nie misgeloop moet word nie, is 'n dag op die skouspelagtige strand en 'n treinrit na Simonstad langs die asemrowende kus, onderbreek op Kalkbaai of Vishoek om deur die bekoorlike antiekwinkeltjies te dwaal.

Vir die sakereisiger bied Capeblue Manor House 'n vreedsame rusplek aan die einde van 'n besige dag waar hy of sy op die terras by die swembad of in die goed toegeruste gastesitkamer en biblioteekruimte kan ontspan.

Kenmerke

  •  Afrikaans
  •  Swembad
  •  Veilige Parkering
  •  Gratis WiFi

Aktiwiteite Naby

  •  Visvang

Aktiwiteite op perseel

  •  Swem

Betaalopsies op Perseel

  •  Visa
  •  Mastercard
  •  American Express
  •  Diners-kaart
  •  Kontant
  •  Elektroniese Fondsoorplasing

Geriewe

  •  Swembad
  •  Gastesitkamer
  •  Wasgoeddiens
  •  Geen Rook Binnenshuis
  •  Malaria-vrye streek
  •  Persoonlike Kluis
  •  Satelliet-TV
  •  Daaglikse Skoonmaakdiens
  •  Gratis WiFi
  •  WiFi

Hier praat ons

  •  Afrikaans
  •  Engels

Maaltye Aangebied

  •  Ontbyt
  •  Piekniekmandjies Op Versoek
  •  Tee
  •  Etes Op Versoek

Parkeerplek

  •  Veilige Parkering
  •  Agter Elektriese Hek
  •  Parkering Van Die Straat Af

Kaart Meer oor die omgewing 

Gaste wat na Capeblue Manor House gekyk het, het ook belangstelling getoon in die volgende lekke plekke:

Vanaf R1 760 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za