Casterbridge Hollow Boutique Hotel

Voeg by Gunstelinge

 

Beskrywing

Witrivier se kontemporêre koloniale hotel is tussen die soet mango-bome van die oorspronklike Casterbridge-plaas geleë. Casterbridge Hollow, Mpumalanga se eerste "groen hotel", is 'n konsep met 'n betowerende ontstaansgeskiedenis - dit is met eenvoudige, basiese materiale aanmekaar gesit. Die kleurskakerings herinner besoekers aan romantiese dorpies op die golwende heuwels van Provence en Toskana. Die ryk teksture van die mandjies en ontwerpersmateriale wat bokkies en proteas uitbeeld, beklemtoon die kontemporêre styl en Suid-Afrikaanse herkoms van die hotel. Bykomstighede soos draadwerkmandjies, handgemaakte teëls en sierligte is deur plaaslike vakmanne gemaak.

Die hotel het 26 ruim standaardkamers met uitsigte oor die swembad en tuine vanaf die stoepe en balkonne. Al die kamers het lugversorging, verhitting en plafonwaaiers en is ingerig met moderne geriewe soos telefone, platskerm-TV's, handgemaakte meubels, luukse linne en Charlotte Rhys-geriewe. Balkonne en verandas bied 'n uitsig oor die swembad en welige tuine.

Elkeen van die 4 luukse familie suites het 1 dubbelbed en 2 enkelbeddens, en bied slaapplek vir 4 gaste (2 volwassenes en 2 kinders). As jy op soek is na 'n bietjie privaatheid is daar skakelkamers wat jou van die kinders kan skei.

Casterbridge Hollow se konferensiesentrum beskik oor al die moderne geriewe om die sukses van vergaderings, produkbekendstellings en maatskappykonferensies te verseker.

Gaste kan kies en keur wanneer hulle aansit by Magnolia Café se eersteklas ontbyt. Magnolia Restaurant se boonste verdieping is die perfekte plek om mengeldrankies te geniet, en die middag- en aandspyskaart getuig van 'n unieke uiteet-ervaring!

Casterbridge Hollow Boutique Hotel is net 15 minute se ry van die Kruger Mpumalanga Internasionale Lughawe af en is ideaal vir sakereisigers en 'n gerieflike blyplek vir toeriste wat die Krugerwildtuin en Panorama-roete gaan besoek.

Kaart Meer oor die omgewing 

Gaste wat na Casterbridge Hollow Boutique Hotel gekyk het, het ook belangstelling getoon in die volgende lekke plekke:

Vanaf R2 824 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false