Chamberlain House

Selfsorg

Kapasiteit: 7 mense
Inkloktyd: 14:00 tot 22:00
Uitkloktyd: 10:00
Adres: Chamberlain-weg 16, Claremont, Kaapstad, 7708, Wes-Kaap
Alle ouderdomme is welkom
Vanaf R3 500 per nag (plek vir 7)

Beskrywing

Chamberlain House is 'n moderne selfsorghuis in 'n stil straat in Claremont Upper. Dit is ideaal vir 'n groep of gesin aangesien dit naby besienswaardighede, soos Bishopscourt Village en Nuweland is. Die huis is ook stapafstand vanaf Cavendish Square-winkelsentrum, restaurante, koffiewinkels en die mooi tuine van die Vineyard Hotel.

Die huis bied slaapplek aan 6 gaste en beskik oor 3 smaakvolle slaapkamers en 2 badkamers. Die hoofslaapkamer het 'n koningingrootte-bed, 'n kot indien nodig, en 'n en suite-badkamer met 'n stort, wasbak en toilet. Die tweede slaapkamer 'n dubbelbed en die derde slaapkamer het 2 enkelbeddens. Die tweede badkamer het 'n bad met 'n handstort, wasbak en toilet. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolf, eetgerei, breekware en 'n koffiemasjien toegerus. Daar is ook 'n skottelgoedwasser en wasmasjien. Die aangrensende sitarea het lugversorging, gemaklike rusbanke en 'n slim-TV. Daar is ook 'n kaggel en die eetarea het 'n etenstafel met 6 stoele. Die huis het 'n ononderbroke kragtoevoerstelsel vir die WiFi en TV.

Die stapeldeure lei na 'n stoep met buitesitplek, 2 hangstoele en Weber-braaigeriewe. Daar is 'n sprankelende swembad en 'n kinderspeelarea met 'n klimraam op die perseel. Veilige parkeerplek vir 2 voertuie is op die perseel agter 'n outomatiese hek beskikbaar.

Kry ’n Kwotasie