Deus Benedicat

Selfsorg

Soos Gesien op Instagram
Kapasiteit: 8 mense
Inkloktyd: 14:00 tot 18:00
Uitkloktyd: 10:00
Adres: Rocherpanstraat 40, Dwarskersbos, 7365, Wes-Kaap
Alle ouderdomme is welkom
Vanaf R8 100 per nag (plek vir 8)

Beskrywing

Deus Benedicat is ’n pragtige dubbelverdieping-selfsorgvakansiehuis wat na die see front en tussen die Weskus-fynbos in die rustige dorpie, Dwarskersbos, geleë is.

Die huis beskik oor 4 slaapkamers met uitsigte oor die see. Die eerste slaapkamer het ’n koninggrootte-bed en die tweede, derde en vierde slaapkamer het elk 2 enkelbeddens. Elke slaapkamer het 'n en suite-badkamer met 'n stort, toilet en 'n wasbak, en lei na ’n balkon waar gaste die fynbos en see kan ruik. Die hoofslaapkamer is op die grondverdieping en lei na die swembad en kuierarea.

Die kombuis het moderne toestelle en is met ’n yskas, oond, stoof, mikrogolfoond en ’n koffiehoekie toegerus. Die sitarea en eetarea lei na die stoep en swembad wat na die see front. Gaste kan op die stoep ontspan, die sonsondergang bewonder, saam met vriende en familie kuier, lees, drankies geniet of na die seemeeue en oestervangers kyk.

Die huis het braaigeriewe en ’n houtvuurpizza-oond. Verder kan gaste op die strand stap of in die see swem, en daarna die seesand in die buitestort afspoel.

Deus Benedicat is vir gesinsvakansies, intieme troues, spesiale geleenthede, foto-sessies, werkswinkels en kookklasse geskik.

Kry ’n Kwotasie