Die Karee Tuiste

Gastehuis

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Pretorius-straat 24, Postmasburg, 8420, Noord-Kaap
Alle ouderdomme is welkom
Vanaf R1 250 per nag, vir 2 mense

Beskrywing

Die Karee Tuiste is in 'n 19de-eeuse kothuis, onder 'n groot Karee-boom, wat in 'n gastehuis omskep is. Dit is in die dorpie Postmasburg in die hartjie van die Noord-Kaap. Die dorpie word omring deur ysterertsmyne, asook die Noord-Kaapse oop grasvlaktes met asemrowende sonsondergange.

Verblyf word gebied in 2 eksklusiewe gastekamers en 1 kothuis. Die gastekamers het lugversorging en koningingrootte-beddens, asook en suite-badkamers met 'n stort, toilet en wasbak. Die kamers het platskerm-TV's met eksklusiewe DStv en 'n kantoorspasie met 'n lessenaar. Hierdie kamers lei 'n stoep met 'n braai-area en gaste het toegang tot 'n aparte kombuisie met 'n yskas, mikrogolf, oond, wasbak, broodrooster en tee- en koffiemaakgeriewe.

Die kothuis beskik oor 2 slaapkamers met 'n dubbelbed elk en gaste deel 'n en suite-badkamer met 'n stort, toilet en wasbak. Die oopplan-leefarea het 2 rusbanke en 'n platskerm-TV met eksklusiewe DStv. Die kombuisie is met 'n yskas, mikrogolf, oond, wasbak, broodrooster en tee- en koffiemaakgeriewe toegerus.

Veilige parkeerplek is op die perseel beskikbaar en die verblyf is naby al die restaurante, winkelsentrums, apteke en geriewe in die dorp.

Kry ’n Kwotasie