Faimes Waterfront Villa

Gastehuis

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 21 Apr 2024 tot 4 Mei 2024.

Soos Gesien op Instagram
Kapasiteit: 10 mense
Inkloktyd: 15:00 tot 19:00
Uitkloktyd: 10:00
Adres: Cannon Island-weg 42, Marina Da Gama, Muizenberg, 7945, Wes-Kaap
Alle ouderdomme is welkom
Vanaf ~~R6 000~~ R5 400 per nag, vir 10 mense

Beskrywing

Faimes Waterfront Villa is op die waterrand in Marina Da Gama, Muizenberg geleë. Dit is die ideale gesinsvakansieverblyf en is naby die gewilde Surfer's Corner-strand.

Dié dubbelverdieping-eiendom het slaapplek vir 10 gaste en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n stort, bad, dubbelwasbak en 'n toilet. Die tweede slaapkamer het 'n koningingrootte-bed en die derde slaapkamer het 2 stapelbeddens. Daar is 'n koningingrootte-bed, asook 'n en suite-badkamer met 'n stort in die vierde slaapkamer. Die derde badkamer het net 'n stort. Linne en badhanddoeke word voorsien, maar gaste moet asb. hul eie strandhanddoeke saambring.

Die leefarea beslaan die grondverdieping van die huis en bied 'n pragtige kombuis wat met 'n gasstoof, elektriese oond, mikrogolf, yskas-vrieskas, eetgerei en breekware toegerus is. Daar is ook 'n sentrale kombuiseiland met stoele. 'n Skottelgoedwasser en 'n wasmasjien word voorsien. Langs die kombuis is 'n etenstafel met sitplek vir 8 gaste en die ruim sitarea het gemaklike sitplek, 'n kaggel en 'n platskerm-TV. Diegene wat werk wil afhandel sal baat vind by die lessenaar en gratis WiFi.

Die boonste verdieping lei na 'n stoep met buitesitplek en 'n uitsig oor die marina. Die eiendom het ook 'n binnehof met buitesitplek, 'n ingeboude braai en 'n privaat swembadjie. Gaste kan die Jacuzzi teen ekstra koste gebruik.

Kry ’n Kwotasie