Featherstone View Cottage

Selfsorg

Soos Gesien op Facebook
Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Stones Hill 5B, Grahamstad, 6140, Oos-Kaap
Alle ouderdomme is welkom
Vanaf R3 600 per nag, vir 4 mense

Beskrywing

Featherstone View Cottage is net 6 km vanaf Grahamstad geleë en is 'n bekoorlike toevlugsoord wat verblyf buite die gewoel van die stadsgedruis bied. Die knus kothuis het 'n puik ligging en spog met 'n asemrowende uitsig oor Featherstone Kloof en op Seinheuwel.

Die eerste slaapkamer het 'n koningingrootte-bed en die tweede slaapkamer het 'n koninggrootte-bed. Die badkamer het 'n bad, stort, toilet, wasbak, wasmasjien en 'n tuimeldroër.

Die kombuis is met 'n gasstoof, oond, yskas-vrieskas, mikrogolfoond, eetgerei en breekware toegerus. Die oopplan-leefarea het 'n etenstafel met genoeg sitplek, gemaklike rusbanke en 'n kaggel.

Binne is die kothuis minimalisties, maar gerieflik ingerig. Daar is 'n skuifdeur wat na 'n houtdek met 'n sitarea en 'n asemrowende berguitsig lei. Braaigeriewe is ook beskikbaar.

Die kothuis is onafhanklik van die tradisionele kragnetwerk en is met 60 000 L-reënwatertenke en 'n hoëkapasiteit-sonkragstelsel en -omsetter toegerus.

Kry ’n Kwotasie