Flamingo Bay Manor

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Flamingo Bay 175, Meerensee, Fisherhaven, 7200, Wes-Kaap
Alle ouderdomme is welkom
Vanaf R10 300 per nag (plek vir 10)

Beskrywing

Flamingo Bay Manor skuil in die gesogte oord Flamingo Bay in Fisherhaven wat 8 km vanaf Hermanus is. Dit is die ideale bestemming vir 'n gesin of 'n groep vriende wat op soek is na 'n wegbreek naby die see.

Die moderne huis beskik oor 5 slaapkamers en 5 badkamers en bied slaapplek aan 10 gaste. Die eerste 2 slaapkamers het elk 'n koninggrootte-bed en 'n en suite-badkamer met 'n bad en stort. Die derde slaapkamer het ook 'n koninggrootte-bed en 'n en suite-badkamer met 'n stort. Die laaste twee slaapkamers het elk 'n koningingrootte-bed en 'n en suite-badkamer met 'n stort.

Die oopplan-leefarea beskik oor 'n sitarea met gemaklike rusbanke en 'n TV en 'n kombuis wat met 'n dubbeldeur-yskas-vrieskas, gasstoof, oond en mikrogolf toegerus is. Boonop het die huis die nuutste sonkragtegnologie wat die impak van beurtkrag verminder deur ononderbroke kragtoevoer vir die hele huis te verseker.

Die huis spog ook met 'n sauna en 'n fliekkamer met gemaklike sitplek en 'n moderne klank- en videostelsel. Buite is daar 'n tuin wat omring word deur melkhoutbome, en daar is ook 'n verfrissende plonspoel en 'n uitnodigende warmbad. Flamingo Bay Manor het ook kano's vir gaste om op die strandmeer te geniet.

Die dakdek bied 'n asemrowende uitsig en dien as 'n fantastiese kuierarea. Hier kan gaste onvergeetlike sonsondergange of sterrekyk-aande saam met geliefdes geniet. Veilige parkeerplek, gratis WiFi en braaigeriewe is ook beskikbaar. Die oord is die tuiste van flaminke, wilde perde, uile en 'n verskeidenheid voëls.

Kry ’n Kwotasie