Graceland

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Lobelia 766, Leeupoort Vakansiedorp, Thabazimbi, 0136, Limpopo
Alle ouderdomme is welkom
Vanaf R2 700 per nag, vir 10 mense

Beskrywing

Graceland is 'n bekoorlike selfsorghuis in die hartjie van die bosveld in 'n natuurreservaat. Dit skep 'n rustige atmosfeer vir gaste wat van die stad se gewoel wil ontsnap.

Hierdie eiendom bied slaapplek aan 10 gaste en beskik oor 5 slaapkamers, 3 badkamers, 'n oopplan-kombuis, eetarea en 'n leefarea. Die hoofslaapkamer het 'n koninggrootte-bed en lugversorging. Die tweede, derde en vierde slaapkamers het elk 'n dubbelbed en die vyfde slaapkamer is 'n solderkamer met 2 enkelbeddens. Die twee badkamers het 'n bad, stort, wasbak en 'n toilet en een badkamer het slegs stort wasbak en toilet. Slegs linne word voorsien, gaste moet asb. hul eie handdoeke saambring.

Die kombuis is met 'n yskas-vrieskas, gasstoof, elektriese oond, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n skottelgoedwasser en wasmasjien. Die eetarea het 'n tafel met stoele waar gaste maaltye kan geniet. Langs die eetarea is daar 'n leefarea met lugversorging, gemaklike sitplek en 'n TV met DStv.

Buite op die stoep is 'n etenstafel waar gaste kan kuier en die lowerryke omgewing kan geniet.
Die braai-area is 'n lekker kuierarea met 'n boma en plonspoel. Veilige parkeerplek is beskikbaar.

By Graceland het gaste die geleentheid om wild te sien. Dit is 'n gesellige huis en omgewing waar gaste weer in voeling met die natuur kan kom en lekker ontspan.

Kry ’n Kwotasie