Heaven & Earth Cottage

Voeg by Gunstelinge

 

Beskrywing

Dié selfsorgkothuise lê weggesteek in die Hemel-en-Aarde-vallei en bied gehalte-verblyf aan gaste wat op soek is na 'n rustige en pragtige wegbreekplek. Die eenhede bied ideale verblyf vir 'n groep vriende of families en spog met 'n pragtige uitsig op die omliggende berge.

Die hoofeenheid beskik oor 3 slaapkamers met slaapplek vir 6 gaste. Die hoofslaapkamer het 'n koningingrootte-bed en 'n en suite-badkamer met 'n stort/bad, toilet en wasbak. Die tweede slaapkamer het 'n koningingrootte-bed en 'n en-suite-badkamer met 'n stort. Die derde slaapkamer het 2 enkelbeddens en deel die gebruik van 'n badkamer met die hoofslaapkamer. Die kombuis is toegerus met al die nodige toebehore en daar is ook 'n ingeboude braaiplek. Die sitkamer het gemaklike sitplek en 'n TV met DStv. Daar is ook 'n skottelgoedwasser, 'n wasmasjien en strykgeriewe.

Die Stalkothuis is 'n ou werkers kothuis langsaan die stalle, wat opgeknap is en dien as sakpasverblyf. Dié kothuis beskik oor 1 slaapkamer met 'n dubbelbed en het 'n badkamer met 'n stort, toilet en 'n wasbak. Die sitkamer het 'n bank, rottangstoele en 'n platskerm-TV met volledige DStv en 'n DVD-speler. Gratis WiFi is beskikbaar. Die kombuis is ten volle toegerus met genoeg eetgerei vir 4 mense, 'n ketel, mikrogolfoond, oond, yskas en 'n binnebraai/kaggel. Buite is 'n sitbank en 'n Weber wat gaste kan benut. Vuurmaakhout word verskaf.

Daar is tientalle doendinge in die omgewing soos visvang, perdry, kajakvaart, bergklim en voetslaan.

Kenmerke

  •  Afrikaans
  •  Braaiplek
  •  Veilige Parkering
  •  Gratis WiFi

Aktiwiteite Naby

  •  Perdry
  •  Visvang
  •  Baarshengel
  •  Voëlkyk
  •  Wynproe
  •  Fietsry
  •  Bergfietsroetes
  •  Swem

Aktiwiteite op perseel

  •  Perdry
  •  Visvang
  •  Voëlkyk
  •  Fietsry
  •  Swem

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  Braaiplek
  •  Kombuisgeriewe
  •  Geen Rook Binnenshuis
  •  Satelliet-TV
  •  Selfsorg
  •  Gratis WiFi
  •  WiFi

Hier praat ons

  •  Afrikaans
  •  Engels

Parkeerplek

  •  Veilige Parkering
  •  Onderdakparkering
  •  Parkering Van Die Straat Af

Kaart Meer oor die omgewing 

Gaste wat na Heaven & Earth Cottage gekyk het, het ook belangstelling getoon in die volgende lekke plekke:

Vanaf R600 per nag (plek vir 2)

Aanvaar aanlynbetaling deur LekkeSlaap.co.za