Home on Kowie River

Selfsorg

Kapasiteit: 8 mense
Inkloktyd: 10:00 tot 16:00
Uitkloktyd: 10:00
Adres: Stockslaan 18, Port Alfred, 6170, Oos-Kaap
Alle ouderdomme is welkom
Vanaf R5 500 per nag (plek vir 8)

Beskrywing

Home on Kowie River is 'n gesinsvriendelike selfsorg-vakansiehuis op die Kowie-rivieroewer in Port Alfred. Die huis het 'n gedeelde jetty en is net 'n entjie se ry vanaf winkels, restaurante en strande.

Die vierslaapkamerhuis spog met 'n lieflike uitsig oor die rivier en is vir 8 gaste geskik. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 2 enkelbeddens en 'n en suite-badkamer met 'n stort. Die derde slaapkamer het 'n dubbelbed en die vierde slaapkamer het 2 enkelbeddens. Die gaste in hierdie 2 slaapkamers deel 2 aparte badkamers wat onderskeidelik 'n bad en 'n stort het.

Die oopplan-kombuis het 'n lieflike rivier-uitsig en is met 'n yskas-vrieskas, gasstoof, oond, mikrogolfoond, skottelgoedwasser en 'n wasmasjien toegerus. Die leefarea het 'n etenstafel, 'n gemaklike sitkamerstel en 'n TV. Buite is daar 'n groot grasperk, braaigeriewe en 'n sitkamerstel met 'n uitsig oor die rivier.

Gaste is welkom om hulle boot te water te laat of van die jetty af vis te vang. Dit moet net vooraf gereël word. Tydens kragonderbrekings maak die huis van sonkrag gebruik, maar gaste moet asb. die battery bewaar en nie te veel toestelle gelyktydig gebruik nie.

Kry ’n Kwotasie