Iwa Imfene Game Lodge IMW2

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Welgevonden Wildreservaat, R517, Vaalwater, 0600, Limpopo
Alle ouderdomme is welkom
Vanaf R14 800 per nag (plek vir 10)

Beskrywing

Iwa Imfene Game Lodge IMW2 is 'n selfsorg-lodge in die privaat Welgevonden Wildreservaart in die Waterbergdistrik. Hierdie 34 850-hektaar malaria-vrye reservaat spog met die Groot Vyf en drinkbare water.

Dié eksklusiewe lodge het slaapplek vir 10 en beskik oor 4 chalets en 1 hoof gemeenskaplike lodge. 3 van die chalets het elk 2 enkelbeddens wat in 'n koninggrootte-bed omskep kan word. Die vierde chalet het 4 enkelbeddens sowel as 'n TV met 'n DVD-speler en 'n speletjieskamer. Elke chalet het 'n en suite-badkamer met 'n bad, stort en 'n toilet. Daar is ook 'n kaggel en 'n aantrekarea met heelwat kasspasie vir klere.

Die hoof lodge beskik oor 'n volledig toegeruste gedeelde kombuis, gimnasiumarea met basiese toerusting, leefareas en onthaalareas. Die oopplan-kombuis het die nodige toebehore en sluit 'n spens, 2 vrieskaste, 3 yskaste, 'n ysmasjien en 'n koffiemasjien. Die etenstafel het wiele vir binne en buite gebruik. Die gesonke leefarea spog met 'n kaggel en lei na 'n dek met 'n randvloeiswembad met beligting.

Die onthaalarea het 'n pooltafel, bordspeletjies, 'n musiekspeler, en 'n TV met 'n DVD-speler. Daar is ook 'n 6-teragreep digitale biblioteek. Daar is 'n onderdaksitarea met 'n boma met 'n vuurput aan die anderkant van die lodge, sowel as 'n balkon met braaigeriewe. Die lodge het 'n privaat gekwalifiseerde wildbewaarder wat beskikbaar is om gaste op wildkytoere te neem met 'n oop wildritvoertuig.

Die wildreservaat is ongeveer 259 km vanaf O.R. Tambo Internasionale Lughawe. Die reservaat vorm deel van die Waterberg Biosfeer Reservaat wat in 2001 as amptelik deur UNESCO verklaar is.

Kry ’n Kwotasie