Kapteinskloof Guest Cottage

Voeg by Gunstelinge

 

Beskrywing

Kapteinskloof Guest Cottage is op 'n kleinhoewe in die Weskus-omgewing tussen Piketberg en Velddrif, sowat 180 km noord van Kaapstad. Die kothuis skuil in die pragtige Kapteinskloof en is een van die oudste oorspronklike plaashuise in die area.

Verblyf is beskikbaar in 'n pragtige, oorspronklike sandveldkothuis. Die meubels en uitleg is eenvoudig, met mure en vensters wat 'n boustyl eie aan dié streek weerspieël. Die reuk van die grasdak dra by tot die aardse gevoel wanneer jy by die huisie instap. Die selfsorgkothuis bied slaapplek vir 2 tot 6 gaste en word as 1 eenheid verhuur sodat gaste privaatheid kan hê. Die kothuis is apart van die hoofhuis. Eetgerei, breekware, badhanddoeke, linne en vuurmaakhout word voorsien. Bring asb. jou eie swemhanddoeke saam. Hout is beskikbaar teen R50 ’n sak.

Die kothuis het 'n aparte kamer met 'n dubbelbed en 'n en suite-badkamer. Die tweede slaapkamer het 2 enkelbeddens en 'n en suite-badkamer. Daar is nog 'n sit-/slaapkamer met 'n en suite-badkamer en direkte toegang tot die kombuis. Die gesellige kombuis het 'n outydse Dover-stofie, yskas, mikrogolf, oondjie en warmplate. Let daarop dat daar nie 'n TV, radio of selfoonontvangs is nie. Gaste kan heerlik in die varswaterswembad tussen die sitrusbome afkoel.

Die huise dateer uit 1831 en in 1988 het die dramaturg Pieter Fourie met opknappingswerk begin. Sy liefde en passie vir outydse argitektuur en sy oog vir detail het hom in staat gestel om die eenvoudige en bekoorlike sandveld-karakter van dié ou plaashuis te behou. Kom ervaar die platteland - gaan stap, bring jou bergfiets, gaan bestuur 'n entjie op die plaas se agterpaaie, aanskou die blommeprag in die lente, of gaan soek 'n plekkie onder 'n boom waar jy jou tyd met 'n goeie boek kan verwyl.

Troeteldierbeleid: Troeteldiere is welkom slegs indien dit vooraf gereël word, en gaste moet ook die ander diere op die plaas in ag neem. Alle honde, perde en voëls in hokke is regdeur die jaar welkom. Troeteldiere slaap binne; bring asb. eie troeteldierbeddens, beddegoed en bakke. Daar is stalle vir die perde. Die honde, katte, voëls, perde, plaasdiere en wild op die kleinhoewe moet in ag geneem word. Let asb. daarop dat die honde goed gemanierd moet wees, en nie die hoenders en katte mag jaag nie. Troeteldiere bly gratis.

Slaapplek

'n Bespreking by Kapteinskloof Guest Cottage sluit in:

2 x Enkelbed / Driekwartbed
2 x Dubbelbed

Kenmerke

  •  Afrikaans
  •  Swembad
  •  Braaiplek
  •  Troeteldiere indien gereël

Aktiwiteite Naby

  •  Voëlkyk
  •  Wynproe
  •  Bergfietsroetes

Aktiwiteite op perseel

  •  Voëlkyk
  •  Swem

Badkamer

  •  Bad
  •  En-suite
  •  Seep

Betaalopsies op Perseel

  •  Kontant

Elektriese Toebehore

  •  Yskas
  •  Mikrogolfoond
  •  Oond
  •  Stoof

Geriewe

  •  Swembad
  •  Braaiplek
  •  Kombuisgeriewe
  •  Geen Rook Binnenshuis
  •  Troeteldiere indien gereël
  •  Selfsorg

Hier praat ons

  •  Afrikaans
  •  Engels

Kamergeriewe

  •  Waaier
  •  Kaggel

Kaart Meer oor die omgewing 

Gaste wat na Kapteinskloof Guest Cottage gekyk het, het ook belangstelling getoon in die volgende lekke plekke:

Vanaf R2 300 per nag (vir 6 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za