Kiepersol Lodge

Ons het dit baie geniet.

Alles was netjies en skoon. Daar is alles wat jy nodig het. Ek en my seuns het baie lekker vis gevang, ek het gesukkel om hulle te kry sodat ons kon begin oppak. Hulle wou nog bly.

Uitstekende ligging met 'n wonderlike eienaar.

Kiepersol is 'n baie mooi en veilige bestemming en Sarie (die eienaar) maak seker dat alles vlot verloop. Sal Kiepersol verseker aanbeveel en self weer besoek.

Lekker gekuier en visgevang.

Baie goeie inligting gekry voor ons aankoms. Huis was baie gemaklik en goed toegerus. Saam kuier om die kamp vuur en visvang was van ons hoogte punte.

Stunning place. Horrible service.

There was blood on the main bedroom floor. Rat urine in the guest bedroom in the bed, snake skin on the the patio. The lady was incredibly rude! She shouted at me. Unaccommodating in terms of language barrier - everything was sent in Afrikaans. I am English. She sent the wrong location and it took an extra 3 hours to get there - she was rude to me and my boyfriend when trying to get the correct location. Screaming and shouting at us - very unprofessional.

Rustige wegbreek.

Dit was vir my en my gesin die perfekte wegbreek plek. Die eenheid is heeltemal privaat teen die rivier en in die bos met berge wat hom omring. Die eenheid het 'n lekker boma area vir 'n vuurtjie in die aand en jacuzzi op die dek wat alles oor die rivier uitkyk. Die eienaar was ook baie behulpsaam. Mens het presies geweet wat waar is en wat nodig sal wees vir die naweek van jou kant af, dus was daar nie onaangename verrassings nie.

Heerlik gekuier! Huis is baie gemaklik!

Kiepersol Huis was baie gemaklik, alles en meer was beskikbaar wat ons kuier aangenaam gemaak het. Sarie het so baie inligting en meer gestuur om ons te help! Baie dankie!

As jy wil rustigheid ervaar en veiligheid prioriteit is, dan is dit die ideale plekkie om te bly.

Ons was groep vriendinne wat gebly het by Kiepersol en veiligheid was vir ons baie belangrik omdat ons net vrouens was. Ons het absoluut veilig gevoel! Kiepersol is 'n heerlike plekkie!

Onaangename begin tot ons naweek.

Vrydagmiddag daar aangekom, net om die plek gesluit te vind met geen sleutel in sig. Om eienaar te kontak, moes ons weer terugry tot op teerpad as gevolg van geen ontvangs. Na vele oproepe het eienaar geantwoord met 'kan jy nie onthou dat ek in die mail vir gou gesê het waar die sleutel is nie'. Maandag my mails weer gelees (net om seker te maak) met geen aanduiding van sleutel. Ek het daardie spesifieke mail van die eienaar aangevra, waarna sy my gebel het en minder vriendelik was, inteendeel my gewaarsku as ek 'n slegte 'review' stuur, sy net die 'screenshots' van al haar mails sal stuur waarin sy moeite gedoen het. Die 'screenshots' sal wees mails en Whatapp-boodskappe van al die reëls en regulasies, waar jy wat moet aan en af sit, jou eie toiletpapier en skottelgoedseep bring, geen musiek, geen partytjies en R500 breekskade wat betaal moet word. Ek het my 2 hondjies saamgevat, waarvoor ek reg van die begin gevra het, maar niemand my daarop geantwoord het nie.

Goed geleë en privaat.

Baie mooi plek en n mooi uitsig oor die rivier.

Lekker gerus.

Was ongelooflik lekker! Kon nie vir 'n beter plek gevra het om 'n verjaarsdag/familie-byeenkoms/huweliksherdenking te vier nie. Die slaap uiteensetting is puik. Was mal oor die buitebadkamer en die Jacuzzi, en die feit dat jy uit elke kamer kan beweeg sonder om deur die huis te gaan. Sarie was baie vriendelik en het alles per epos vir ons uiteengesit. Sy was ook beskikbaar sou daar 'n probleem wees. Die regte plek vir uitspan en lekker kuier!

In elke stappie in die natuur kry jy meer as wat jy soek, Kiepersol bring die beste in jou uit.

Ongelooflik netjies, maklik om daar te kom en pragtige uitsig. Om dit saam vriende te geniet is ideaal. Kamers is goed ingerig en die plekkie is so goed geakkommodeer vir koue en warm tye. Binnebraai en kaggels, buiteboma, regtig 'n thumbs up.

Heerlik gekuier op die oewer van die vaal.

Hoewel kombuisspasie baie beknop is, was dit oor die algemeen luuks ingerig. 'n Ekstra badkamer sou dit baie meer gerieflik gemaak het. Oor die algemeen was dit baie mooi skoon en netjies. Rustige omgewing en pragtige natuur. Sou graag langer wou kuier!

Stil en rustige omgewing met 'n mooi uitsig oor die rivier.

Die trappe is net nie baie veilig/kindervriendelik nie.

Vuil.

Dit was verskriklik vuil. Al die vloere was vuil en taai. Ons moes al die eetgerei en potte ens was voor ons dit kon gebruik het. Die stort was verskriklik vuil. Kliëntediens was glad nie 'n prioriteit nie, geld was wel 'n baie groter prioriteit. Die eienaar is baie ongeskik en aanvallend.

Die stilte van die Skepping ervaar jy hier.

Baie dankie aan Sarie vir al haar vooraf reëlings en inligting asook reis-aanwysings. Dis 'n pragtige plek op die oewer van die Vaalrivier met alles wat jy nog het. Baie mooi modern ingerig. Het baie lekker langnaweek gehou en sal weer in die somer wil gaan. Onthou net hier is stilte koning.

Heerlik, rustig.

Baie netjies, skoon en kompak. Heerlike plek om te rus! Rustige atmosfeer. Jacuzzi heerlik ontspannend.

Ons het dit baie geniet.

Dit is 'n perfekte plek om met vriende te ontspan.

Baie rustig en stil langs die Vaalrivier in 'n lekker blyplek met al die geriewe wat 'n mens nodig het.

Die tyd by Kiepersol was baie rustig en die geriewe, veral die Jacuzzi, was 'n wenner. Ons het feitlik die hele naweek buite spandeer a.g.v die lekker braai en ontspannings-area aan die rivierkant van die huis. Alles was netjies en op sy plek met aankoms en die aanwysings wat Sarie gegee het, 100%. Sal beslis weer die plek besoek.