Klein Welmoed Guest House

Gastehuis

Gratis kansellasie tot 1 week voor jou verblyf!
Kapasiteit: 24 persone
Inkloktyd: 14:00 tot 15:00
Uitkloktyd: 10:00
Adres: Raithby-pad, Stellenbosch, 7600, Wes-Kaap
Alle ouderdomme is welkom
Vanaf R2 100 per nag, vir 2 mense

Beskrywing

Klein Welmoed Guest House is in Stellenbosch, net 30 km van Kaapstad Internasionale Lughawe af geleë. Die gastehuis is die perfekte bestemming vir 'n troue en bied ei prag van die platteland, ver van die stad af, maar tog met al die nodige geriewe. Die gastehuis maak ook voorsiening vir korporatiewe konferensies.

Klein Welmoed het 12 luukse dubbelslaapkamers en badkamers, insluitend 4 selfsorgkothuise met 2 slaapkamers en 4 dubbelkamers in die hoofhuis. Elke eenheid beskik oor perkal-katoenlinne, badkamerprodukte, lugversorging en verhitte handdoekrelings in die badkamers. Daar is 'n platskerm-TV met DStv en WiFi in elke kamer.

Die 4 selfsorgkothuise het elkeen 2 slaapkamers en 2 badkamers. Dis die perfekte verblyf vir gaste wat verblyf met 'n kombuis, braaigeriewe, privaatheid en ruimte verkies. Die meeste selfsorgkothuise het ondervloerse verhitting en kaggels vir die winter. Die Shiraz-kothuis het net paneelverwarmers, maar is ideaal vir 'n somerwegbreek. Tariewe sluit ontbyt in.

Gedurende die somer kan gaste lekker in die swembad afkoel en in die tuin ontspan. Ander doendinge op die perseel sluit draf, stap, fietsry, wild, voëls en pieknieks in. Wynproe is beskikbaar, maar dit moet vooraf gereël word.

Die landgoed is net 40 km vanaf Kaapstad se middestad, die Franschhoek-vallei, die Overberg en die Atlantiese Oseaan af. Stellenbosch, Somerset-Wes en die omliggende wynroetes en top-restaurante is net 'n paar kilometer ver. Gholfbane, daguitstappies, konserte, strande en nog meer is sommer baie naby.

Kry ’n Kwotasie