La Maison

6 gaste

3 slaapkamers

4 beds

2 badkamers

15% AF!

Spesiale Aanbod

Kry 15% af. Geldig vir verblyf vanaf 12 Des 2025 tot 11 Jan 2026.

6 gaste
Alle ouderdomme is welkom
Inkloktyd: 16:00 tot 19:00
Uitkloktyd: 10:00
1049 Schapejacht Circle, Langebaan Country Estate, Langebaan, 7357, Wes-Kaap Sien kaart

Beskrywing

La Maison is 'n lieflike selfsorgvakansiehuis op die Langebaan Golf Estate in die hartjie van Langebaan. Dit is 'n wonderlike opsie vir 'n gesinswegbreek aan die Weskus aangesien hierdie landgoed baie geriewe en aktiwiteite het en net 'n entjie van die strand af is.

Dié huis beskik oor 3 slaapkamers en 2 badkamers. Die hoofslaapkamer het 'n koninggrootte-bed en 'n en suite-badkamer met 'n stort. Die tweede slaapkamer het 'n koningingrootte-bed en die derde slaapkamer het 2 enkelbeddens. Gaste in hierdie kamers deel die tweede badkamer met 'n bad en 'n stort.

Die ruim leefarea beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, Nespresso-koffiemasjien, eetgerei, breekware en 'n toonbank met stoele toegerus is. Daar is ook 'n skottelgoedwasser en wasmasjien. Die kombuis lei na 'n etenstafel waar gaste hul maaltye saam kan geniet. Dié eetarea deel 'n kaggel met die sitarea wat gemaklike sitplek en 'n TV met DStv het. Gratis WiFi is beskikbaar.

Die stapeldeure lei na 'n onderdakstoep met 'n buite-etenstafel en 'n ingeboude braai wat 'n wonderlike plek is vir 'n skemerkelkie terwyl die vuur brand. Veilige parkeerplek is op die perseel beskikbaar.

Bespreek