Langkloof 1919

Ongelooflik.

Langkloof is ongelooflik. Die eienaars het niks ontsien toe die huis ingerig is nie. Alles is net perfek. Ons sal vir seker weer gaan. Lekker weggesteek aan die voet van die berg. Salig en hier kry jy werklik sielerus.

One of a kind bushveld farmhouse.

This is a truly special place. The setting is bushveld in an old farmstead that is pared back comfort. The host is a wonderful, kind person.

Jy word sonder woorde gelaat met die fyn detail van elke ding rondom jou.

As jy stilte geniet met 'n gesellige atmosfeer met 'n tikkie van die "ou tye" waarvan ons ouers en grootouers gesels het, is hierdie die plek vir jou. Jy kan omtrent elke uur in 'n hele ander gedeelte van die huis en die werf gaan sit. Daar is so baie tyd en aandag gegee aan die kleinste details. Dit is 'n besonderse netjiese plek met die mooiste uitsigte. As jy 'n avonturier is, sal jy die bergklim, stappies en swem in die stroompies geniet. Hierdie plek is 'n "hidden gem". Jy sal nie spyt wees nie. Briljante gashere wat die ekstra myl stap vir hul gaste en verseker dat alles perfek is.

Vrede, rus, gasvryheid.

Ek weet nie eens hoe om dankie te sê vir Marina en haar man vir hul moeite met ons vir die naweek nie. Hulle laat mens soos familie voel. Die huisie is so goed toegerus en netjies. Dit is regtig uitsonderlik, julle gasvryheid is tasbaar. Dit was pure bederf en rus vir ons siele!

'n Paradys van rus, swem en stap.

Onvergeetlike naweek - pragtige plek waar die hondekinders na hartelus kon baljaar. Die diens was uit die boeke. Ons gaan weer! Baie gou xx.

Fantastiese plek.

Hierdie is 'n juweel van 'n plek wat ons vir seker weer sal besoek. Skoon, ten volle toegeruste huis. Baie spasie, swemplek, baie stap plek. Hier kan jy rus vir jou siel kry. Goeie WiFi-ontvangs. Die pad soontoe was goed, 'n lang grondpad, maar dit was beslis die moeite werd. Baie baie dankie vir die vriendelike diens en die klein spesiale gebare. Julle sal ons weer sien.

'n Keurig- en weltoegeruste oase vir die siel.

Langkloof 1919 het ons met fyn aandag aan detail en gemak verwelkom. Die padbeskrywings na hierdie juweel is akkuraat, sowel as die foto's. Ons is bederf met die gasvryheid van Anton en Marina, en Jan, wat seker gemaak het dat ons genoeg hout gehad het, onder andere. Langkloof 1919 het al ons verwagtinge oortref - selfs ons 3 hondekinders het ontspan. Ons sal beslis weer hier in die Waterberge kom kuier.

Luukse outydse opstal aan die voet van die berge!

Pragtige, netjiese opstal wat met liefde gerestoureer is. Netjiese en veilige verblyf. Ons hondjies het die groot, oop erf saam met ons geniet. Ons was daar in die koudste week van die jaar, kon huis knus en warm hou met die houtstofie, ons het sommer "trooskos", lam en groente daarin gaar gemaak, tesame met vars speserye wat uit die tuin gepluk is. Daar is 'n verskeidenheid potte en panne, daar is alles, bring net eie kos en drinkgoed, naaste winkel is nie om die draai nie. Beurtkrag was nie 'n probleem nie, want daar is 'n klomp lampe en 'n lieflike groot gasstoof. Heerlike linne, komberse, handdoeke. Glase en eetgerei baie elegant. Daar was 'n mandjie met vars geplukte naartjies en suurlemoene! Heerlike kuierplekke. Jan het elke dag stil, stil die braai areas skoon gemaak en nóg gekapte, droeë hout gebring. Ons is verlief op die plek, die stilte, voëls wat baljaar, die vrede. WiFi was baie sterk. Anton en Marina, baie dankie vir alles, ons is teruggesit in Ouma se huis, maar met al die luukses wat dit net nog lekkerder gemaak het. Ons sien uit om in die somer daar te kom kuier, wéér vir 4 dae!

Hier word jy stil en rustig.

Langkloof 1919 is voorwaar 'n plek om te gaan ontspan en rustig te word. Aandag aan detail is orals sigbaar. Baie dankie vir al die bederf. Sal graag gou weer wil gaan.

Rustige wegbreek.

Langkloof is fantasties vir enige iemand wat uit die stad wil kom! Kan dit nie meer voorstel nie!

A small piece of heaven.

A great place to rest and enjoy nature. A lovingly restored, beautiful house with everything you need. Attention to detail and very well equipped. Peaceful with a large variety of birds. Lots of outdoor areas to enjoy. Although the dirt road is long, it is worth it!

Absolutely wonderful.

Really enjoyed our stay.

Pragtige bome. Voëlparadys. Pragtige, skoon plaasdamme om in te swem. Verkwikking van siel.

Baie ekstra bederfies in kombuis en wonderlike gasvrou en gasheer!

Wegbreek.

Baie lekker, vriendelike plek. Regtig cosy en 'n plek om te "let go". Sal dit eerder in die winter wou besoek.

Rus vir die siel in plaasluuksheid.

Langkloof 1919 het ons harte gesteel. Dis 'n pragtige plek met stylvolle dekor. Luukse beddegoed en 'n baie goed toegeruste kombuis. Mens kuier so al in en om die huis - twee stoepe, onder die groot wildevy, lafenis in die damswembaddens en in die lapa om die vuur. Ons gaan beslis weer van die soet water van Langkloof 1919 drink.

'n Afgeleë plaasparadys met moderne, kleinhoewe sjarme.

Ons was bederf met ‘n warm verwelkoming by 'n akkommodasie wat ons vir 'n wyle 'n tuiste kon noem. Ons was verstom met die gasvryheid, luuksheid en verskeidenheid. Met ons aankoms het 'n bottel wyn en 'n aangesteekte vuur vir ons ingewag. Hierdie natuurryke plaashuis bied meer as een braaiarea, en 'n oppasser wat gereed staan om hout te gaan haal, die vuur aan te steek en na die tyd op te ruim. Ons het opsies gehad waar ons wou eet: binne die huis, op die stoep of onder die bome. Ons het seker gemaak elke maaltyd vind plaas op 'n ander gedeelte in die werf sodat ons die hele plaasparadys kon benut. Ons het die buite-stort ook baie geniet wat verder bygedra het tot rus vir die siel. Alhoewel daar nie selfoonsein is nie, was daar uitstekende wifi om in kontak bly met ons gasheer. Ons kom kuier verseker weer by Langkloof 1919, en dan bly ons veel langer.

10/10! 'n Besonderse bosveld bestemming.

Ons het vreeslik lekker gekuier en gerus op Langkloof. Die aandag aan detail en dekor is besonders en gee dit 'n 5-ster-gevoel. Daar is alles wat 'n mens nodig het en meer, onder andere kombuistoerusting, eetgerei, hout, basiese speserye en bykomstighede, en 'n fantastiese kruietuin. Sal dit aan enige groep aanbeveel vir 'n lekker naweek weg. Sou graag langer as twee nagte wou bly. Dankie Marina en Anton vir julle gasryheid en al die ekstra moeite. Groete.

Ongekompliseerde verblyf, een met natuur en gesintyd op sy beste!

Dit was 'n heerlik 3 dae. Alles en meer waarvoor ons gesoek het. Die huis is pragtig en daar is alles wat mens nodig kry! Sal beslis weer teruggaan!

Peace at last.

We had a lovely stay hosted by Marina. The long drive on the dirt road was disheartening at times but well worth it. The home is clean with all the amenities and comfort creatures one needs for a relaxing bush getaway suitable to every family member. The farmhouse is modern with the right amount of traditional farm-style decor to evoke a bit of nostalgia. It's a fairly long dirt road to the nearest shops so make sure you stock up on everything you need. Also, I can imagine the road gets quite beaten at some parts after rains so a high clearance vehicle will be ideal. Overall, a fantastic place for bonding with family and friends as well as being at one with nature will definitely recommend.

Lovely!

Beautiful house with thoughtful extra touches.

Rus en vrede.

Op pad na Langkloof 1919 het ek gewonder of die grondpad die moeite werd is, maar dit is beslis en nog meer. Alles is keurig ingerig, die rus en vrede is goed vir mens se siel en ons het so lekker gebly. Sal dit beslis aanbeveel en sal weer daarna gaan vir 'n naweek weg.

Uitstekend vir 'n wegbreek van die stad en rustigheid. Absolute kos vir die siel!

Ons het die wonderlikste paar dae by Langkloof 1919 gehad. Dit is die perfekte plek om te disconnect en reconnect saam met familie of vriende. Die rustigheid van die plaas en die mooi natuur het ons onmiddellik laat ontspan - die natuur laat jou siel asemhaal. Die huis het 'n baie lekker moderne plaasgevoel. Die aandag aan detail was indrukwekkend. Dit is goed uitgelê en bied soveel verskillende areas om te ontspan op verskillende tye van die dag. Daar was alles en nog meer om ons verblyf gemaklik te maak. Die buitestort en vir die koppie kyk was een van die hoogtepunte! My man en seun het die bergfietsry vreeslik baie geniet. Marina en Anton was ongelooflik gasvry. Altyd net 'n Whatsapp weg. Hulle het ons alles gebied wat ons nodig gehad het en meer. Ons wens ons kon langer bly en ons hoop ons is so gelukkig om eendag weer by Langkloof 1919 te gaan kuier.