Lethabong Lodge

Lodge

Kapasiteit: 154 mense
Inkloktyd: 14:00 tot 19:00
Uitkloktyd: 10:00
Adres: Maritikloof-plaas, 380KQ Rooiberg, Thabazimbi, 0380, Limpopo
Alle ouderdomme is welkom
Vanaf R750 per nag, vir 2 mense

Beskrywing

Lethabong Lodge is 'n eko-vriendelike lodge in die ongerepte 700 ha-wildernis naby die majestueuse Waterberge en Thabazimbi, en minder as 2 uur vanaf Johannesburg en Pretoria. Of gaste op soek is na 'n luukse naweekwegbreek in hul eie tent, of 'n gesinsvakansie met 'n rits aktiwiteite, Lethabong Lodge het alles.

Verblyf word in selfsorg-lodgekamers, selfsorg-safaritente en kampeerplekke gebied. Die lodge-kamers en safaritente het elk goed toegeruste kombuisgeriewe, en suite-badkamers en lugversorging. Die safaritente het ook privaat, romantiese plonspoele, braaigeriewe en vuurputte. Die lodge-kamers het hul privaat balkonne met piekniekbankies en gasbraaigeriewe.

Die kampeerplekke is gelyke grasstaanplekke met elektrisiteit en krane. Elke staanplek het sy eie ablusiegeriewe met 'n stort, toilet en wasbak.

'n Wasgoeddiens is teen 'n ekstra koste beskikbaar, en parkeerplek met 24 uur-sekuriteit is ook beskikbaar.

Alle gaste het toegang tot die speelpark en speletjieskamer. Die speelpark bied 'n verskeidenheid aktiwiteite vir oud en jonk, insluitend glybane, 'n trapkarbaan, springkussings, 'n foefie-glybaan en swembaddens. Daar is ook 'n gemeenskaplike piekniekarea met braaigeriewe en 'n snoepie wat koeldrank, eetgoed, hout, houtskool en vuuraanstekers verkoop. Dagbesoekers is teen 'n ekstra koste welkom. Die speletjieskamer het pool-tafels, tafelsokker en tafeltennis.

Lethabong Lodge het verskeie wildspesies, insluitend kameelperde, wildebeeste, sebras en elande wat vrylik in die malariavrye bosveld rondloop, sowel as 'n rits voëlspesies. Begeleide wildritte is beskikbaar om die area te verken.

Of gaste nou buitelugliefhebbers is, of bloot rus en vrede nodig het, Lethabong Lodge is die plek. Die vriendelike personeel sien daarna uit om gaste hartlik te verwelkom en hul verblyf 'n onvergeetlike ervaring te maak.

Kry ’n Kwotasie