Mabalingwe Caravan Park

Kampeer/karavaan

Langtermynverblyf-aanbod 35% af

Kry 35% af vir verblyf wat 25 nagte of langer is. Geldig vir verblyf vanaf 9 Jul 2024 tot 19 Sep 2024.

Kapasiteit: 420 mense
Inkloktyd: 14:00 tot 19:00
Uitkloktyd: 10:00
Adres: Rooiberg/Thabazimbi-pad R516, Bela-Bela, 0480, Limpopo
Alle ouderdomme is welkom
Vanaf ~~R384~~ R250 per nag, vir 2 mense

Beskrywing

Mabalingwe Caravan Park is in die Mabalingwe Privaat Natuurreservaat geleë. Dit bied kampeerverblyf aan gesinne en vriendegroepe wat op soek is na 'n onstpannende wegbreek in die bosveld.

Die karavaanstaanplekke is geplavei of met gras bedek en dit het oorgenoeg skaduwee. Elke staanplek het 'n standaard-kragpunt en daar is 3 ablusieblokke met toilette, wasbakke en storte. Daar is ook 2 gesinsbadkamers. Vullishouers is oral in die park beskikbaar.

Na 'n opwindende dag saam met een van die gidse kan gaste by die geriefswinkel en drankwinkel aanklop vir enige items wat hulle dalk nodig het. R&R Buffalo Bar is ook naby die kampeerplek en bedien heerlike pizzas en kroegetes.

Die Mabalingwe Karavaanpark is die ideale kampeerbestemming vir enige wild-entoesias. Hiér word gaste deur talle voëls en natuurgeluide omring, wat rondom 'n kampvuur tydens sononder geniet kan word. Daar is ook prettige buitelug-aktiwiteite vir die hele gesin, insluitend 'n fietspaadjie, 'n BMX-roete, 'n drafroete, putt-putt, warm- en koueswembaddens met glyplanke, 'n klimraam en 'n vlugbalbaan.

Kry ’n Kwotasie