Malachite Rest

Selfsorg

Kapasiteit: 34 mense
Inkloktyd: 15:00 tot 21:00
Uitkloktyd: 10:00
Adres: Andries Pretoriusstraat 17, Sonheuwel, Mbombela, 1201, Mpumalanga
Alle ouderdomme is welkom
Vanaf R698 per nag (plek vir 2)

Beskrywing

Malachite Rest se woonstelle bied gerieflike selfsorg-verblyf in Sonheuwel, Mbombela. Dit is ideaal vir gesinsvakansies, oornag- en naweekverblyf vir gaste wat na of van Mosambiek of die Krugerwildtuin reis. Hierdie woonstelle bied slaapplek aan 2 tot 4 gaste per woonstel. Gaste kan tussen 11 woonstelle kies.

Elke woonstel het 'n Android-TV met My Family Cinema, Netflix, Showmax, en ander programme waarmee gaste met hul eie profiele kan aanmeld. Die woonstelle wat slaapplek aan 2 gaste bied, het 'n oopplan-uitleg, 2 enkelbeddens of 'n dubbelbed en 'n en suite-badkamer met 'n stort. Daar is ook 'n kombuisie wat met 'n mikrogolfoond, 'n yskassie, koffie- en teemaakgeriewe toegerus is en 'n sitarea met gemaklike sitplek. Die woonstelle wat slaapplek aan 4 gaste bied, beskik oor 2 slaapkamers wat elk 'n dubbelbed het en 'n badkamer met 'n stort, toilet en 'n wasbak deel. Die oopplan-kombuis is met 'n yskassie, mikrogolfoond, oond, stoof en koffie- en teemaakgeriewe toegerus.

Hierdie eiendom het braaigeriewe en piekniekbankies vir gaste wat graag 'n vuur wil aansteek terwyl hulle na die stroom luister en afskakel. Gratis WiFi en veilige onderdakparkeerplek vir een voertuig per woonstel is op die perseel beskikbaar. Die eiendom het kameratoesig en gewapende reaksie vir ekstra sekuriteit.

Kry ’n Kwotasie