Mankele

Selfsorg

Kapasiteit: 280 persone
Inkloktyd: 14:00 tot 19:00
Uitkloktyd: 10:00
Adres: Mankele, Deel 3 van Sudwalaaskraal, Sudwala, 1207, Mpumalanga
Alle ouderdomme is welkom
Vanaf R400 per nag, vir 2 mense

Beskrywing

Mankele bied selfsorgverblyf en 'n kampeerterrein vir die hele gesin in die hartjie van Mpumalanga, Suid-Afrika. Mankele is in 'n pragtige, inheemse woud na aan die Sudwala-grotte, langs die Houtboslooprivier. Die gemengde terrein van subtropiese woud, oop grasvelde, berge, valleie en riviere bied die ideale basis vanwaar gaste die talle roetes met skilderagtige berge, riviere en spruite kan verken wat die tuiste van baie voël- en dierspesies is.

Selfsorgverblyf word in houhuisies en seil-safaritente gebied. Meer avontuurlustige gaste kan die kampeergeriewe benut.

Elke selfsorghouthuis het slaapplek vir 8 gaste. Daar is 'n eetkamer, leefarea, badkamer en gaste-toilet sowel as 'n volledig toegeruste kombuis in elke eenheid. Die ligging is ideaal vir skemerkelkies op die dek en daar is ook 'n sprankelende swembad en 'n paar vermaakareas.

Elke safaritent is keurig geplaas in die pragtige bos en het slaapplek vir tot 5 gaste. Elke tent het 'n yskas, ketel, basiese breekware, braaigeriewe, 'n dek met 'n tafel en stoele en privaat ablusiegeriewe.

Die kampeerterrein word omring deur inheemse plantegroei en is langs die Houtboslooprivier. Daar is gemeenskaplike ablusiegeriewe met storte. Die ligging is ideaal vir diegene wat graag naby die natuur wil wees.

Makele het 'n gemeenskaplike kuierarea met 'n goed toegeruste kafee, ligte versnaperinge, lekkers en koeldrank, asook 2 swembaddens.

Mankele bied 'n rits buitelug-aktiwiteite wat geskik is vir die hele gesin en die adrenalien behoorlik sal laat pomp. Daar is geckoing, verfbal en 'n mini-Zipline. Bespreek asb. jou aktiwiteite by die Mankele ontvangs met aankoms.

Kry ’n Kwotasie