Middelpunt Game Breeders

Wildsplaas

Gratis kansellasie tot 1 week voor jou verblyf!
Kapasiteit: 14 mense
Inkloktyd: 14:00 tot 18:00
Uitkloktyd: 10:00
Adres: 3,2 km vanaf die R703, Middelpunt Wildplaas, Brandfort, 9400, Vrystaat
Alle ouderdomme is welkom
Vanaf R1 300 per nag, vir 2 mense

Beskrywing

Middelpunt Game Breeders is 'n pragtige wildplaas versteek tussen die Vrystaat se woude, bome, rotse en vlaktes. Die rustige plaas bied ongerepte natuurlike prag en talle wildspesies en is net 10 km vanaf Brandfort op die S496.

Verblyf word aangebied in 2 Luukse Gastekamers, elk met slaapplek vir 2 gaste, 'n Jag Huis met slaapplek vir 6 gaste of 'n Silo met slaapplek vir 4 gaste. Elke Luukse Gastekamer het 'n dubbelbed, die Jag Huis het 6 enkelbeddens en die Silo het 4 enkelbeddens. Elkeen van die vier eenhede het 'n en suite-badkamer met 'n stort, wasbak en toilet.

Die Jag Huis het ook 'n kombuisie wat met 'n yskassie toegerus is en elkeen van die vier eenhede het tee- en koffiemaakgeriewe. Die Jag Huis het ook 'n knus sitarea en kaggel. Gratis WiFi is in alle eenhede en gemeenskaplike areas beskikbaar.

Gaste het volledige toegang tot 'n groot gastesitkamer met genoeg eet- en sitplek sowel as 'n kroeg. Hierdie hoofgebou het ook 'n kombuis waarvan gaste gebruik kan maak. Buite is daar 'n gemeenskaplike boma sodat gaste saans lekker saam rondom 'n vuur kan kuier en kwaliteittyd saam kan spandeer. Daar is ook 'n plonspoel vir die warmer dae.

Die kamp is die tuiste van talle bokspesies en wildritte is beskikbaar en kan gereël word om ander spesies buite die kamparea te besigtig en om die sonsondergang van die bopunt van die berg af te ervaar.

Kry ’n Kwotasie