Midlands Inverness Cottages

Voeg by Gunstelinge

 

Beskrywing

Midlands Inverness Cottages bied gerieflike selfsorgverblyf op 'n werkende plaas in Caversham, 'n pragtige, stil vallei in die KwaZulu-Natalse Middellande. Die plaas is in die hartjie van die Midlands Meander, naby puik restaurante, skole, galerye en trou-venues.

Die verblyf is ideaal vir reisigers en vakansiegangers wat al die besienswaardighede in die Midlands Meander wil verken. Kom ontspan in hierdie rustige omgewing en geniet die vars, plattelandse lug en die hartlike gasvryheid

Gaste kan heerlik gaan stap in die veld tussen die perde, ons kalfies ontmoet en kennis maak met die mak hoenders en hasies. Midlands Inverness Cottages is geleë op 'n heuwel met 360º-uitsigte oor die luisterryke landskap, met asemrowende sonsondergang en wonderskone woude en berge. Die wêreld hier is ongerep en beeldskoon.

Ons het 3 luukse selfsorgkothuise wat pragtig ingerig is. Elke kothuis het sy eie privaat tuin-ingang, parkeerplek en 'n pragtige uitsig oor ons wingerd en die vallei onder. Verder het elke kothuis 1 koning- of koningingrootte-bed en ekstra matrasse of slaapbanke vir die kinders is op versoek beskikbaar. Geniet die wit perkallinne, komplimentêre sjerrie, elektriese komberse en vereduvets. Sagte, dik handdoeke word voorsien in die badkamers en gaste word ook bederf met komplimentêre sjampoe en seep. Verwarmers, dik duvets, kaggels en elektriese komberse is beskikbaar om jou warm te hou gedurende die yskoue winters.

Verdere geriewe sluit tee- en koffiemaakgeriewe, tuisgebakte koekies, vars vrugte, blomme in elke kamer, 'n haardroër, sjerrie, sjokolades op die kussings en ander bederfies in wat jou verblyf hier onvergeetlik sal maak. Al die kothuise het toegang tot braaigeriewe en vuurmaakhout word voorsien, maar jy moet asseblief jou eie houtskool bring.

Kaart Meer oor die omgewing 

Gaste wat na Midlands Inverness Cottages gekyk het, het ook belangstelling getoon in die volgende lekke plekke:

Vanaf R1 290 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false