Mohlape Game Lodge

Wildsplaas

Kapasiteit: 11 mense
Inkloktyd: 14:00 tot 18:00
Uitkloktyd: 10:00
Adres: R519 Kuschke-weg, Limpopo, Polokwane, 0700, Limpopo
Alle ouderdomme is welkom
Vanaf R3 500 per nag, vir 2 mense

Beskrywing

Mohlape Game Lodge is 'n pragtige lodge net langs die R519, 37 km buite Polokwane en is ideaal vir gaste wat op soek is na 'n rustige wegbreek.

Die eiendom beskik oor 3 dubbelkamers en 'n gesinskamer. Elk van die ruim dubbelkamers het slaapplek vir 2 gaste en daar is 'n koningingrootte-bed met gehaltelinne. Hierdie kamers se en suite-badkamers het dan ook 'n ingesonke bad, 'n toilet en 'n wasbak, en daar is 'n buitestort.

Die gesinskamer het slaapplek vir 5 gaste en daar is 'n koningingrootte-bed en 'n en suite-badkamer met 'n bad en 'n buitestort. 'n Tripelstapelbed is beskikbaar in die kamer langsaan wat sy eie toilet en buitestort het. Daar is 'n oop hangkas en pantoffels, seep en badhanddoeke is in al die kamers.

Die kamers het ook elk 'n kluis, gratis WiFi en 'n kombuisie wat 'n yskassie en koffiemaakgeriewe het. Die dubbelkamers het 'n privaat houtstoep met 'n uitsig oor die bosveld en die gesinskamer bied 'n uitsig oor die gedeelde swembadarea.

Gemeenskaplike geriewe sluit die groot kombuis met al die nodige toerusting, die eetarea en leefarea, 'n binnebraai en buiteboma, asook die swembad in. As gaste die pakket kies wat alles insluit, is gaste se maaltye, 'n skoonmaakdiens, wildrit, water, koeldrank en sekere bier en wyn ook ingesluit by die tarief.

Kry ’n Kwotasie