Montarie Guest Accommodation

Oornagstop op pad na kus.

Ons is vriendelik ontvang deur die eienares en na die kamer geneem. Die kamer is baie smaakvol afgewerk en alles, van die spierwit beddegoed tot die handdoeke was kraakvars skoon en vars. Die gastehuis is in 'n baie stil omgewing van die dorp, so mens kan rustig slaap sonder enige buite geraas. 'n Keurige ontbyt is die volgende oggend bedien soos wat mens eintlik net van 'n groot hotel sal verwag. Ons sal baie beslis weer hier oorbly in die toekoms. Baie dankie Marie vir jou gasvryheid.

Perfekte oornagstop in die hartjie van die Karoo.

Die plek was baie mooi skoon en netjies en het splinternuut gelyk. Die kamers is goed toegerus en ruim. Die ontvangs was vriendelik en baie behulpsaam. Middelburg is 'n pragtige dorpie en Montarie is perfek geleë.

Clean, modern and beautiful with incredible hospitality.

As we arrived, we received a very warm and hearty welcome by Marie who welcomed us to our room. We stayed in Montarie 2 and we were blown away by the beautifully modern and exceptionally clean room. Marie has really thought of and provided everything that you would possibly need for a relaxing and fulfilling stay and more! And to top it all off, we had their breakfast before our long drive home, and their breakfast is delicious! We highly recommend Montarie and thank Marie for an amazing experience.

Fantasties.

Vriendelike en omgee-mense en plek baie skoon netjies en modern.

Wat 'n lieflike gastehuis met 'n sorgsame gasvrou!

Marie het baie ekstra moeite gedoen vir ons asook ons 2 klein kindertjies. Sy het 'n oog vir detail en ons het onmiddellik welkom gevoel. Die ontbyt was heerlik en dierbaar aangepas vir die kinders. Kom bly gerus by Montarie!

'n Verfrissende ervaring wat 'n eienaar se deeglikheid en trot weerspieël.

Die resensies wat ek gelees het was positief, maar het my nie naastenby voorberei op die ervaring nie. Keur, deeglikheid en trots is die woorde wat in my gedagtes dans as ek Montarie hoor. Beste oornag tydens 'n reis ooit. Dankie Marie dat jy jou droom uitleef!

Nice and clean.

Very neat room and bathroom; only requires a ceiling fan, was a bit warm.

Ek kan net sê: wow!

Ons was so verras met die pragtige plekkie in Middelburg. Ek het nog nooit so 'n skoon gastehuis gesien nie en baie keurig gemeubileer. Marie, die eienaar, is die oulikste mensie, wat uit haar pad gegaan het om ons verblyf so lekker as moontlik te maak. Ek sal die gastehuis vir enigiemand aanbeveel met een woord: fantasties!

Karoo gasvryheid.

Baie vriendelik verwelkom, kamer was perfek vir my, my vrou en ons 1 jarige dogtertjie. Die kamers is baie netjies, die perseel veilig en genoeg plek vir my kind om lekker te kon speel op die grasperk.

Puik diens. Skoon en netjies. Gasvrou baie vriendelik en behulpsaam. Heerlike ontbyt. Rustige nagrus gehad.

Sal weer daar oorslaap. Dankie.

Versteekte juweel.

Tannie Marie en haar plekkie het ons verwagtinge oortref! Sy het ons spesiaal laat voel en seker gemaak ons gaan slaap met vol mage (vir ons plek bespreek by 'n restaurant) en word wakker met fantastiese ontbyt! Die moeite werd x 100.

Heerlik!

Ons het lekker geslaap! Baie mooi en netjies! Absoluut die moeite werd!

An oasis in Middelburg, Eastern Cape.

Marie and Billy made us welcome in their first class bed and breakfast accommodation.

Dit was 'n wonderlike ondervinding.

Dit was 'n rus vir die siel om in te stap in die ligte, rustige en pragtige kamer nommer 2. Die kamer is so mooi, gerieflik en die uitleg is goed beplan. Die ontbyt was fantasties en dra die kenmerk van 'n gasvrou wat alles met passie en styl doen. Marie is opreg vriendelik en het 'n hart so groot soos die Karoo!

Goeie oornagverblyf.

Ons is goed ontvang en die kamer was ruim en skoon. Die ontbyt was uit die boonste rakke! Ons sal graag weer van Montarie gebruik maak. Alles was 100%.

Baie mooi, skoon en netjiese fasiliteite. Ons is baie welkom laat voel!

Marie het ons sommer dadelik baie welkom laat voel. Die fasiliteite is van die mooiste wat ons al ervaar het met die vinnige oornag op pad Kaap toe. Dit is die perfekte plek vir oorbly en dit was wonderlik om die eienaars so vinnig te ontmoet :)

Absoluut wonderlik.

Marie het ons so tuis laat voel sy is voorwaar 'n engel wat soveel omgee vir haar gaste. Ek sal beslis weer daar oornag.

Luukse en gerieflike verblyf met onoortreflike gasvryheid.

Montarie bied gerieflike en skoon luukse verblyf waar daar omgesien word na elke detail en niks te veel moeite is nie. Die kamer is goed ingerig en die ontbyt heerlik. Baie dankie Marie.

Puik.

Puik diens, puik ontvang, alles was uit die boonste rakke. Definitief aan te beveel.

Dit was uit die boeke!

Van dat ons arriveer het was dit ongelooflik! Beveel dit beslis aan.

Dit was heerlik rustig met baie goeie diens.

Ek was verras met die netheid en ongelooflike mooi eenheid wat op my gewag het na 'n vreeslike lang rit. Ek is hartlik verwelkom deur Marie en elke oggend met 'n fantastiese ontbyt bederf. Dit was absoluut waarde vir jou geld.

Uitstekende gastehuis. Sal beslis weer hier oornag.

Ons is hartelik verwelkom deur Marie. Die kamer was skoon en netjies en baie goed toegerus, daar was selfs beskuitjies vir ons 2 yorkies. Baie goeie nagrus gehad. En dan die ontbyt op die kamer was uit die boonste rakke. Super verblyf. Tops!

Wonderlik.

Met een woord: "awesome". Die eienaars wonderlike mense en gasvry verby.

Beste ooit. Fantasies.

Ek sal die plek toe oë aanbeveel, hulle verdien 10 sterre! Die fyn detail maak dit 'n wenner. Die gasheer en vrou is baie vriendelik, ontbyt was uit die boeke en dit was 'n heerlike bed om op te slaap.

Montarie Guest Accommodation is 'n uitstekende en besonder netjiese verblyf met privaatheid en baie rustige omgewing.

Montarie Guest Accommodation het al die nodige kenmerke van 'n goeie praktiese verblyf. Daar is baie ruimte en spasie vir parkering. Die kamer met afsonderlike badkamer is baie goed ingerig. Die bed en beddegoed is pragtig skoon en baie netjies. Bedlampe aan albei kante van die bed kan mens maklik aan- en afskakel en mens hoef nie êrens onder die bed te gaan soek vir die skakelaar nie. Kragproppe is orals beskikbaar waar mens dit nodig het. Twee verskillende hoogte tafels kan gebruik word vir rekenaar. Yskas plus mikrogolfoond. Is goed ingerig met 'n elektriese ketel en koffie, tee en beskuit. Die badkamer is ruim en weereens baie netjies. Die stortkop is redelik groot en waterdruk is baie goed. Verder het die vertrek baie lig van buite as gevolg van die groot skuifdeur en twee groot venters. Ontbyt in oggende is ook uitstekend en mens kan baie variasies kies. Ten slotte, die eienaar Marie is uiters behulpsaam en baie vriendelik. Dis absoluut 'n fantasitese plek vir oornag of lang termyn akkommodasie.

Amazing accommodation, above all we could have wished for!

Wow! This really was an amazing treat. So beautiful, neat and clean. Our hosts even supplied us with an amazing breakfast before we left, at no further cost. Peaceful and quiet and very safe. Will definitely be staying here again.

Pragtig en gasvry.

Heerlike ontbyt, pragtige kamer en vriendelike diens van Tannie Marie en haar man. Niks is te veel moeite vir hulle nie.

Vriendelike ontvangs en 'n lekker oorslaapplekkie na 'n lang rit.

Baie netjiese plekkie vir 'n aangename oornagverblyf met 'n heerlike ontbyt die volgende oggend in die kamer. Baie vriendelike ontvangs deur die eienares. Het 'n lugversorger gemis.

Dit was 'n baie aangename ervaring.

Die eenheid was mooi, modern en skoon, met alles wat nodig is. Ons is vriendelik ontvang en het heerlik gesels met die eienaars. Ons is bederf met 'n groot ontbyt in die kamer.

Waarde vir geld. Netjiese, moderne plekkie met baie goeie kliëntediens. Word met liefde ontvang.

Pragtige oornag-akkommodasie, modern, netjies en pragtig. Die eienaars het ons warm komberse klaar aangesit voor ons daar aangekom het, so kon lekker warm slapies. Meer as wat 'n mens kan vra vir 'n oornagplek. Hulle het ook 'n goeie voorstel gemaak vir aandete en ons met 'n heilsame ontbyt die oggend bederf. Werklik 'n pragtige plekkie om te oornag.