Mystic Mountain Cottage

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Roosstraat 418, Clarens, 9707, Vrystaat
Alle ouderdomme is welkom
Vanaf R3 500 per nag (plek vir 8)

Beskrywing

Mystic Mountain Cottage is 'n knus houthuis slegs 5 minute se stap vanaf Clarens Square wat 'n wye verskeidenheid winkels, restaurante en kroeë bied. Die huis bied 'n beeldskone uitsig op die berge aan die oostekant en die suide van Clarens.

Die kothuis is goed toegerus om vir langtermyn-selfsorgverblyf voorsiening te maak. Dit bied slaapplek aan 6 tot 8 gaste en beskik oor 3 slaapkamers en 1 solderkamer, 2 badkamers en 'n oopplan-kombuis, -eetarea en -leefarea. Die boonste verdieping het 2 slaapkamers en 'n solderkamer. Kamer 1 het 1 dubbelbed. Kamer 2 het 2 enkelbeddens en die solderkamer 1 dubbelbed. Die badkamer op die boonste verdieping het 'n bad, wasbak en 'n toilet.

Die derde slaapkamer is op die onderste verdieping en het 'n dubbelbed. Gaste in hierdie kamer gebruik 'n badkamer met 'n bad, stort, wasbak en 'n toilet. Die kombuis is met 'n gas- en elektriese stoof, mikrogolfoond en 'n yskas toegerus en daar is ook 'n opwaskamer. Daar is ook 'n etenstafel met sitplek vir 8. Die sonnige dubbelvolume-sitarea het 'n oop kaggel, gemaklike rusbanke en 'n TV met die volle DStv-pakket. Die oop kaggel maak die hele huis warm en daar is elektriese komberse op al die beddens. Ekstra komberse en handdoeke word ook voorsien. Daar is nie beurtkrag in Clarens nie.

Geniet die uitsig vanaf die stoep rondom 'n braaivleisvuur met 'n skemerkelkie in die hand. Die perseel is omhein en het 'n hek. Daar is onderdakparkeerplek langs die huis.

'n Daaglikse skoonmaakdiens kan deur die eienaar gereël word teen ekstra koste.

Kry ’n Kwotasie