Northcliff Akkommodasie by Northcliff Manor Guest House | LekkeSlaap

+38

Northcliff Manor Guest House

Gastehuis

Kapasiteit: 13 persone
Inkloktyd: 12:00 tot 19:00
Uitkloktyd: 11:00
Adres: 7 Hearn Rylaan, Northcliff, 2195, Gauteng
Alle ouderdomme is welkom
Vanaf R1 500 per nag (vir 2 persone)

Beskrywing

Ons nooi jou na een van die eerste huise wat in 1937 gebou is teen Northcliffkoppie - in die hartjie van Egoli - Die Stad van Goud. Met aankoms sal jy jouself verwonder aan die rustigheid en skoonheid wat die argitektuur bied, luukse akkommodasie en welige landskap.

Hierdie unieke, historiese en argitektoniese juweel van Northcliff is met passie en respek herstel met die gerief en vermaak van die gas in gedagte.

Die fantasie van die uitvoerende kunste het in die atmosfeer van die landgoed oorgevloei, aangesien Johnny en Ilse van der Merwe bekroonde ontwerpers en vervaardigers van verhoog-, film- en TV-dekorstelle sedert die begin van die Suid-Afrikaanse televisie-industrie is. Dit sluit klassieke werke soos Pumpkin Patch tot Idols, 7 De Laan, Mej. SA kompetisie, Face of Africa en Who wants to be a Millionaire, om 'n paar te noem, in.

Ilse is 'n kunstenaar. Haar ma, Venus Gobregts, is ook 'n wydbekende kunstenaar. Hul voortreflikgeskepte skilderye vol heerlike kleur, granate, poppies, vye en ander weelderige simbole is 'n genot en inspirasie vir almal om te sien. Kyk gerus na al die kunswerke van gekose Suid-Afrikaanse kunstenaars in die gastehuis.

Geniet ook Johnny se fyn versameling Europese antieke en geel- en stinkhoud Afrikana meubels - van die vier-posterbeddens en kaste tot by 'n versameling Victoriaanse glas en Italiaanse porselein.

Geskiedenis van die gastehuis:

Die gastehuis was ontwerp deur die befaamde argitek W.B. Pabst. Bernard Pabst het die Duitse ekspressionisme van die 1920's in Berlyn, na Suid-Afrika gebring. Hy het in 1930 in Suid-Afrika aangekom. Sy argitektoniese ontwerpe is uitkenbaar, onkonvensioneel, ongewoon en asimmetries.

Die gastehuis is as 'n trougeskenk gebou vir Ms. Suzzman, die welbekende anti-apartheidspolitikus. Sy was die Progressiewe Party se enigste verteenwoordiger vir 13 jaar in 'n vyandige, Afrikaans- en manlik gedomineerde Apartheidsparlement. Gedurende haar leeftyd het sy 27 eredoktorsgrade ontvang en ere dameskommandeur van die orde van die Britse Empire ontvang. Sy was ook 2 keer genomineer vir die Nobelprys vir Vrede.
Op die ouderdom van 91 is sy op Nuwejaarsdag in 2009 oorlede, maar die legende leef voort.

Die gastehuis het verdiende herstelwerk ontvang as 'n historiese en geliefde juweel van Northcliff en is in 'n uitstekende toestand.