One Fountain B&B

B&B

Kapasiteit: 14 persone
Inkloktyd: 15:00 tot 19:00
Uitkloktyd: 10:00
Adres: Fonteinstraat 1, Barkly-Wes, 8375, Noord-Kaap
Alle ouderdomme is welkom
Vanaf R1 020 per nag, vir 2 mense

Beskrywing

One Fountain B&B is 'n klein B&B in Barkly-Wes, sowat 40 km vanaf Kimberley af. Die dorpie spog met 2 kroegrestaurante en dit is teen die Vaalrivier geleë.

Verblyf word in 2 groot slaapkamers en 'n woonstel gebied. Daar is 1 ruim slaapkamer met 2 driekwartbeddens, lugversorging, sekere DStv-kanale, 'n kroegie, 'n en suite-badkamer met 'n stort en 'n bad. Die ander slaapkamer het 2 driekwartbeddens en 'n en suite-badkamer.

Die woonstel beskik oor 'n kombuisie, 'n leefarea en 'n aparte slaapkamer met 'n badkamer. Die kombuis is met al die basiese toebehore, potte en panne toegerus. Daar is ook 'n oondjie met 'n tweeplaatstoof. Sekere DStv-kanale, lugversorging, 'n yskas en 'n privaat braaiplek is beskikbaar. Aandete is ook beskikbaar, maar moet vooraf bespreek word. Die ingang tot die perseel word met 'n afstandbeheer-hek beveilig.

Die Rooiwynkamer het ook sy eie braai-area. 'n Redelike ruim konferensieskamer met ruimte vir 10 afgevaardigdes is beskikbaar. Middagete, koffie en tee kan vir konferensies en vergaderings gereël word.

Nabygeleë besienswaardighede sluit een van die eerste brûe in Suid-Afrika en 'n klein museum by die brug, Kantien Kopje en St Mary's-kerk, die eerste kerk noord van die Vaalrivier, in.

Kry ’n Kwotasie