Palm Tree Manor

Gastehuis

Kapasiteit: 15 persone
Inkloktyd: 14:00 tot 19:00
Uitkloktyd: 10:00
Adres: Botha-weg 12, Selbourne, Oos-Londen, 5201, Oos-Kaap
Alle ouderdomme is welkom
Vanaf R1 500 per nag, vir 2 mense

Beskrywing

Dié gastehuis het 'n 4-ster-gradering van die toerismeraad (TGCSA) en is in die luukse voorstad, Selbourne, wat uiters sentraal geleë is. Dis naby die lughawe, strande, gholfbaan en Vincent Park Winkelsentrum met 'n verskeidenheid winkels, restaurante en fliekteaters.

Dié herehuis spog met hoë plafonne en brandskilderglas wat 'n vervloë era weerspieël. Daar is 7 elegante en stylvolle en suite-kamers elkeen met 'n rustige atmosfeer. Die selfsorgkothuis is ideaal vir gaste wat 'n bietjie langer bly of 'n jong gesin. Elkeen van die kamers het DStv en daar is WiFi in die eenheid.

Gaste kan op die dek met 'n uitsig oor die swembad ontspan of 'n skemerkelkie rondom 'n doringhoutvuur geniet. Ontbyt word in die eetkamer bedien met 'n uitsig oor die swembad en tuin, of op die dek in die skaduwee van 'n groot palmboom. Aandete is beskikbaar as 'n opsionele ekstra. Daar is ook 'n vergaderlokaal en konferensiepakkette beskikbaar en die gastehuis kan ook pendeldienste op versoek reël.

Kry ’n Kwotasie