Rowweklip 23 Selfsorg

Selfsorg

Gratis kansellasie tot 24 uur voor jou verblyf!
Kapasiteit: 6 mense
Inkloktyd: 14:00 tot 20:00
Uitkloktyd: 10:00
Adres: Rowwekliplaan 23, Jongensfontein, 6675, Wes-Kaap
Alle ouderdomme is welkom
Vanaf R980 per nag (plek vir 6)

Beskrywing

Rowweklip 23 Selfsorg is op die gasheer se eiendom in die pragtige kusdorp, Jongensfontein in die Wes-Kaap geleë. Die woonstel is ideaal vir 'n groep vriende of familie wat op soek is na 'n rustige vakansie-wegbreek.

Die woonstel het 'n privaat ingang en 3 slaapkamers en 2 badkamers. In die hoofslaapkamer is 'n en suite-badkamer met 'n toilet en 'n wasbak. Die tweede slaapkamer het 'n dubbelbed en die derde slaapkamer het 2 enkelbeddens. Dié twee slaapkamers deel 'n badkamer met 'n bad, 'n stort, toilet en wasbak. Gaste moet asb. hul eie handdoeke saambring.

Die oopplan-leefarea het gemaklike rusbanke, 'n TV, vol DStv-kanale, 'n etenstafel en 'n kombuis. Die kombuis is vir selfsorg toegerus met 'n stoof, 'n oond, yskas-vrieskas, mikrogolf, ketel, eetgerei en breekware. WiFi is ook beskikbaar.
'n Batterystelsel sorg dat die TV, DStv en WiFi steeds tydens beurtkrag werk.

Buite is 'n stoep met sitplek, asook 'n braai waar maaltye gemaak kan word.

Gaste is naby 'n getypoel, 2 winkels, 'n drankwinkel, asook gewilde restaurante en kroeë. Die getypoel is ideaal vir klein kinders om veilig gedurende lae gety te baljaar. Ander aktiwiteite sluit visvang, snorkel, stap, fietsry en branderplankry in.

Kry ’n Kwotasie