Sabuti HL20

Selfsorg

Kapasiteit: 6 mense
Inkloktyd: 15:00 tot 17:00
Uitkloktyd: 09:00
Adres: Sabuti 104, Simbithi Eco Estate, Ballito, 4420, KwaZulu-Natal
Alle ouderdomme is welkom
Vanaf R2 730 per nag (plek vir 6)

Beskrywing

Sabuti HL20 is 'n bekoorlike selfsorgwoonstel met 'n see-uitsig wat tussen die ongerepte skoonheid van Simbithi Eco Estate skuil. Dit is die ideale keuse vir gesinne of groepe vriende.

Dié woonstel het lugversorging en bied slaapplek aan 6 gaste. Dit beskik oor 3 slaapkamers, 2 badkamers en 'n gastetoilet. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 'n koningingrootte-bed en die derde slaapkamer het 2 enkelbeddens. Die gaste in hierdie slaapkamers deel die tweede badkamer wat 'n bad en 'n stort het. Gehaltelinne en badhanddoeke word voorsien.

Die oopplan-leefarea spog met 'n kombuis wat met 'n stoof, oond, mikrogolfoond, ketel, yskas-vrieskas, eetgerei, breekware, skottelgoedwasser en 'n wasmasjien toegerus is. Daar is ook 'n toonbank met stoele. Die kombuis lei na 'n etenstafel met sitplek vir 8 en 'n knus sitarea met gemaklike rusbanke en 'n TV.

Die leefarea lei na 'n onderdakstoep met buitesitplek, sonstoele, braaigeriewe en 'n Jacuzzi. Hierdie rustige omgewing is ideaal vir sterrekyk.

Die landgoed het 'n verskeidenheid geriewe, soos 4 gemeenskapsentrums met swembaddens, 'n rugbyveld, putt-puttbaan, piekniekareas, braaigeriewe, stap- en fietsroetes en wild. Daar is 'n eksklusiewe 18-putjie Executive-gholfbaan wat deur Peter Matkovich ontwerp is. Die Simbithi Buiteklub het 'n kroeg, sitarea, gratis WiFi, Fig Tree Restaurant en 'n speelgrond vir kinders.

Kry ’n Kwotasie