San Lameer Villa 3402

Selfsorg

Kapasiteit: 4 persone
Inkloktyd: 15:00 tot 23:00
Uitkloktyd: 10:00
Adres: Suidkusweg, San Lameer Gholflandgoed, Southbroom, 4277, KwaZulu-Natal
Alle ouderdomme is welkom
Vanaf R1 615 per nag (plek vir 4)

Beskrywing

San Lameer Villa 3402 is in San Lameer Estate geleë. Dié tropiese paradys bied direkte toegang tot 2 asemrowende Blouvlagstrande en vermaak vir die hele gesin. Die afgeleë eenheid het 'n groot onderdakstoep met braaigeriewe en 'n uitsig oor 'n dam met vis en 'n ryk voëllewe.

Hierdie eenheid het 2 slaapkamers met en suite-badkamers. Daar is 'n koningingrootte-bed in die boonste slaapkamer, en die tweede slaapkamer het 2 enkelbeddens wat opgemaak kan word as 'n koninggrootte-bed. Linne en badhanddoeke word voorsien (bring asb. jou eie swemhanddoeke saam).

Die kombuis is volledig toegerus vir selfsorg en beskik oor 'n stoof, oond, mikrogolf, skottelgoedwasser en wasmasjien. En die gerieflike sitarea het 'n platskerm-TV met die volle DStv-pakket wat aan die TV in die hoofslaapkamer gekoppel is. Die eenheid het onbeperkte WiFi.

San Lameer het 2 swembaddens, 'n skoonheidspa, kroeg, restaurant, tennis- en muurbalbane, en heelwat ander doendinge is beskikbaar. 'n Gholfkarretjie met 2 sitplekke kan teen ekstra koste gehuur word. Die sleutels en 'n kaart van die landgoed kan by ontvangs by die hoofhek gekry word (dit is 24/7 oop).

Elke villa het 'n tweeplaat-gasstofie en ketel, batteryligte en 'n ononderbroke kragtoevoerstelsel vir die WiFi.

Kry ’n Kwotasie